Лука 17:30 - Сыйлы Инжил бла Забур

³⁰ Адам Улу кёрюннген кюнде да алай боллукъду.

Лука 17:30 Iomraidhean Croise

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 24:3

Ол, Зейтун тауда олтургъан заманда уа, сохтала кеслери жангыз, Аны къатына келип: «Бу ишле къачан боллукъдула? Эмда Сени келлигинги бла бу ёмюрню ахырыны не илишаны боллукъду? Аны бизге айт», – деп сордула.

Маттай 24:37

Алай а Нухну заманында къалай болгъан эсе да, Адам Улуну келгенинде да алай боллукъду.

Маттай 24:39

Эмда суу къыяма келип, барын да къыргъынчы, акъылларына келтирмегенлери кибик, Адам Улуну келгени да алай боллукъду.

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Марк 13:26

Ол заманда Адам Улуну уллу къудурети эм аламатлыгъы бла булутланы ичинде келгенин кёрлюкдюле.

Лука 17:24

Нек десегиз, шыбыла, кёкню бир жанындан жашнап, кёкню бирси жанына дери жылтырагъаны кибик, Адам Улу да Кесини кюнюнде алай боллукъду.

Лука 17:29

Алай а, Лут Содомдан чыкъгъан кюн, кёкден от бла кукурт жауун жаууп, барын да къыргъаны кибик,

Лука 21:22

Нек десегиз была (Китаплада) жазылгъанланы бары да толлукъ дерт жетдириу кюнледиле.

Лука 21:27

Ол заманда Адам Улу, уллу къудурети эм аламатлыгъы бла, булутда келгенин кёрлюкдюле.

I Коринфлилеге 1:7

Алай бла, сиз Раббийибиз Масих Иссаны келлигин сакълауугъузгъа кёре, сизни бир тюрлю фахмудан да кемлигигиз жокъду.

I Коринфлилеге 1:8

Раббийибиз Масих Исса уа, Кесини кюнюнде сиз айыпсыз болур ючюн, сизни ахырына дери бегимли этерикди.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

II Фесалоникачылагъа 1:7

Азап чекген сизге уа бизни бла бирге ырахатлыкъ бериу Аллахны аллында тюз ишди. Бу Раббий Иссаны къудуретли мёлеклери бла кёкден келген заманында боллукъду.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

I Ахия 2:28

Энди уа, сабийле, Масихде туругъуз; Ол кёрюннген заманда, бизни таукеллигибиз болсун эм, Ол келгенде, Аны аллында айыплы болмайыкъ.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.