Лука 16:9 - Сыйлы Инжил бла Забур

⁹ Мен да сизге айтама: (байлыгъыгъыз) жокъ болгъанда, сиз ёмюрлюк мекямлагъа къабыл этилир ючюн тюзлюксюз байлыкъ бла кесигизге шуёхла табыгъыз».

Лука 16:9 Iomraidhean Croise

Маттай 19:21

Исса анга: «Тамам болургъа сюе эсенг, бар, мюлкюнгю сат да, ахчасын факъырлагъа юлеш; алай бла сени хазнанг кёкледе болур. Сора кел, Мени ызымдан жюрю», – деди.

Маттай 6:19

«Жер башында кесигизге хазнала жыймагъыз; мында кюе бла тотлукъ къурутады эмда гудучула кирип урлайдыла.

Маттай 6:24

Бир киши да эки бийге къуллукъ эталлыкъ тюйюлдю: нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Лука 11:41

Андан эсе, сизде болгъан затдан садакъа беригиз: ол заманда сизни хар затыгъыз да таза болур.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 14:14

Сора ала санга къайтаралмагъанлары ючюн, насыплы боллукъса, нек десенг санга тюзлюклюлени тиргизилиуюнде къайтарылыр», – деди.

Лука 16:11

Алай бла, сиз тюзлюксюз байлыкъда ышаннгылы болмагъан эсегиз, керти байлыкъны уа сизге ышанып ким берир?

Лука 16:13

Бир жумушчу да эки бийге къуллукъ эталлыкъ тюйюлдю. Нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Лука 16:4

Юйню жюрютюуден чыгъарылгъан заманымда, башхала мени юйлерине алыр ючюн, не этеригими билеме“ дегенди.

Ишлери 10:31

Манга: „Корнелий! Сени тилегинг къабыл болгъанды, садакъаларынгы да Аллах эсгергенди.

Ишлери 10:4

Корнелий а аны кёргенде къоркъуп: «Неди, Раббий?» – деди. Мёлек анга жууапха: «Сени тилеклеринг бла садакъаларынг эсгерилип Аллахны аллына чыкъгъандыла.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

Яхуда 1:21

Бизни Раббийибиз Масих Иссаны сизни ёмюрлюк жашаугъа жетдирлик мархаматын сакълап, кесигизни Аллахны сюймеклигинде тутугъуз.