Лука 16:15 - Сыйлы Инжил бла Забур

¹⁵ Ол алагъа: «Сиз адамланы алларында кесигизни тюзлюклюлеча кёргюзтесиз, Аллах а сизни жюреклеригизни биледи. Адамлагъа уллу кёрюннген зат Аллахны аллында жийиргенчли затды.

Лука 16:15 Iomraidhean Croise

Забур 10:3

Мурдорла оюлгъан заманда, тюзлюклю не этерикди?» – деп къалай айтасыз?

Забур 49:13

Мен ёгюзлени этлерин ашаймамы эмда текелени къанларын ичемеми?

Забур 49:18

Гудучуну кёрген заманынгда аны бла келишесе, зийна этиучюле бла да тюбеше тураса.

Забур 7:9

Раббий халкълагъа хукму этеди. Мени тюзлюгюме кёре эм менде болгъан тюз ниетлилигиме кёре мени ариула, Раббий!

Маттай 23:5

Ала битеу ишлерин адамла кёрюр ючюн этедиле; кеслерини асыраучу жерлерин кенгертедиле, кийимлерини къыйырларына уллу чокайла тагъадыла;

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:2

Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 6:5

«Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Лука 10:29

Ол а, кесин ариуларгъа сюйюп, Иссагъа: «Мени жууугъум а кимди?» – деди.

Лука 11:39

Раббий а анга: «Энди сиз, фарисейле, аякъны бла табакъны тышын тазалайсыз, сизни ичигиз а урлаудан бла хыйлачылыкъдан толуду.

Лука 18:11

Фарисей, туруп, кеси-кесинден: „Аллах! Мен, башха адамлача тонаучу, ётюрюкчю, зийна этиучю неда бу жасакъ жыйыучуча болмагъаным ючюн, Санга шукур этеме.

Лука 18:14

Сизге айтама: фарисейден эсе, бу бегирек ариуланып, юйюне къайтханды. Нек десегиз кеси-кесин кётюрген хар адам чёкдюрюлюр, кесин чёкдюрген а кётюрюлюр», – деди.

Лука 18:21

Ол а: «Быланы барын да мен жашлыгъымдан бери тутханма», – деди.

Лука 18:9

Башхаланы сансыз этип, кеслерине уа тюзлюклюлебиз деп базыннган бир къауумлагъа да бу оюм берген таурухну айтды:

Лука 20:20

Сора, Иссаны сынап къарап, Анга кеслерин тюзлюклюлеча кёргюзтген тасхачыланы ийдиле. Аны айтхан сёзю бла тузакъгъа тюшюрюрге эмда Аны оноучуну хукмусуна эм эркинлигине берирге кюреше эдиле.

Лука 20:47

Ала башсыз къатынланы юйлерин ашайдыла, кёзбаугъа узун тилек этедиле. Бегирек да уллу терслик аллыкъдыла», – деди.

Ахия 2:25

Эм биреу адамны юсюнден Анга шагъатлыкъ этерге кереклиси жокъ эди, нек десегиз адамны ичиндегин Кеси биле эди.

Ахия 21:17

Анга ючюнчю кере да: «Жюнюс улу Шимон! Сюемисе сен Мени?» – деди. «Сюемисе Мени?» – деп ючюнчю кере да соргъанына Петер мудах болуп, Анга: «Раббий! Сен барын да билесе; Сен билесе, мен Сени сюйгеними», – деди. Исса анга: «Мени къойларымы кют.

Ишлери 1:18

Бу адам этген аманлыгъы ючюн алгъан ахчагъа сабан сатып алгъан эди; сора баш тёбен жыгъылып, къарыны жарылгъан эди эм битеу ичегилери тышына тёгюлген эди.

Ишлери 1:24

Сора, тилек этип: «Раббий, Сен барыны да жюреклерин билесе. Бу экисинден Сен къайсын сайлагъанынгы кёргюзт,

Ишлери 15:8

Адамланы жюреклерин билген Аллах а, Сыйлы Нюрню бизге бергени кибик, алагъа да берип, аланы къабыл этгенин кёргюзтгенди.

Римлилеге 3:20

Ол себепден Законну буюргъанларын этиу бла, Аллахны аллында, бир адам да ариуланырыкъ тюйюлдю, нек десегиз гюнях Закон бла билинеди.

Римлилеге 8:27

Нюрню не сагъышы болгъанын, жюреклени Сынаучу уа биледи; нек десегиз Нюр Аллахны буйругъу бла сыйлыла ючюн ёкюллюк этеди.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

I Петер 3:4

Жууаш эм сабыр халыгъызда, жюрегигиздеги таша адамыгъызны ёмюрде да кетмезлик ариулугъу бла болсун. Ол а Аллахны аллында бек багъалыды.

I Петер 5:5

Аны кибик кичиле да, таматалагъа бойсунугъуз эм барыгъыз да, бир-биригизге бойсунуп, сабыр акъыллылыкъны юсюгюзге кийигиз. Нек десегиз Аллах ёхтемлеге къажау турады, сабырлагъа уа шафауат береди.

Билим Ачханы 2:23

Аны сабийлерин да ёлюм бла къырлыкъма эм Мен адамланы жюреклерин бла кёллериндегин сынаучу болгъанымы битеу жамауатла ангыларла эм сизни хар биригизге да этген ишлеригизге кёре тийишлисин берирме.