Лука 14:15 - Сыйлы Инжил бла Забур

¹⁵ Муну эшитип, Аны бла олтургъанладан биреу Анга: «Аллахны Патчахлыгъында ётмек ашарыкъ адам насыплыды!» – деди.

Лука 14:15 Iomraidhean Croise

Маттай 25:10

Ала жау сатып алыргъа кетген заманда уа, киеу келди да хазырла аны бла бирге некях тойгъа кирдиле, эшикле да этилдиле.

Маттай 8:11

Кёпле, кюн чыкъгъандан эм кюн батхандан келип, Ибрахим бла, Исхакъ бла эм Якъуп бла Кёклени Патчахлыгъында олтурушурукъдула.

Лука 12:37

Аланы бийлери келип, жукъламай сакъ болуп тургъанларынлай тапса, ол къулла насыплыдыла. Кертисин айтама сизге, ол белин къысып, аланы олтуртуп, къатларына келип, алагъа шапалыкъ этип башлар.

Лука 13:29

Кюн чыкъгъандан да, кюн батхандан да, шималдан да, къыбыладан да келип, Аллахны Патчахлыгъында олтурушурла.

Лука 22:16

Нек десегиз сизге айтама, ол Аллахны Патчахлыгъында тамам болгъунчугъа дери, энди аны ашарыкъ тюйюлме», – деди.

Лука 22:30

Мени Патчахлыгъымда Мени столумда ашарыкъсыз эм ичериксиз эмда Израильни онеки тукъумуна сюд этерге тахталада олтурлукъсуз», – деди.

Билим Ачханы 19:9

Сора мёлек манга: «Жаз: Къозуну некях тоюна чакъырылгъанла насыплыдыла!» – деди. Дагъыда манга: «Была хакъ керти сёзледиле, Аллахны сёзлеридиле», – деди.