Лука 12:5 - Сыйлы Инжил бла Забур

⁵ Алай а кимден къоркъуругъузну сизге айтайым: ёлтюргенден сора жаханимге салаллыкъ (Аллахдан) къоркъугъуз, кертиси да, сизге айтама, Андан къоркъугъуз!

Лука 12:5 Iomraidhean Croise

Забур 9:17

Этген хукмусу бла Раббий Кесин ачыкъ этгенди, аман адам кесини къолларыны ишлери бла тутулгъанды.

Маттай 10:28

Чархны ёлтюрюучюледен, жанны уа ёлтюрюрге болалмагъанладан къоркъмагъыз; бегирег’а жанны да, чархны да жаханимде жояргъа болаллыкъ Аллахдан къоркъугъуз.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Маттай 25:46

Сора была ёмюрлюк азапха, тюзлюклюле уа ёмюрлюк жашаугъа кетерле», – деди.

Маттай 5:22

Мен а сизге: кесини къарындашына керексиз ачыуланнган хар адамгъа, сюд этилирге тийишлиди деп айтама; кесини къарындашына: „Ракъа“, деген адам а синедрионнга тийишлиди; „Акъылсыз“ деген адам а жаханим отуна тийишлиди.

Марк 13:23

Сиз а сакъ туругъуз; ма, Мен сизге барын да алгъындан айтдым».

I Фесалоникачылагъа 4:6

Сизден биригиз да бу ишде къарындашына аманлыкъ этмесин эмда анга хыйла этмесин. Биз алгъын да сизге айтханыбыз эм шагъатлыкъ этгенибиз кибик, Раббий битеу ол затла ючюн адамлагъа азап саллыкъды.

Чюйютлелеге 10:31

Жашау бериучю Аллахны къолларына тюшмеклик къоркъунчлуду!

II Петер 2:4

Нек десегиз Аллах, гюнях этген мёлеклени да аямай, алай а, жаханимге атып, къарангылыкъда бугъоула бла байлагъан эмда, азап чекдирир ючюн, сюд кюннге сакъларгъа берген эсе,

Билим Ачханы 14:7

Ол мёлек уллу ауазы бла: «Аллахдан къоркъугъуз! Анга махтау салыгъыз! Нек десегиз Аны сюд этер заманы келгенди. Кёкню да, жерни да, тенгизни да, суу чыкъгъан жерлени да Жаратханнга сежда этигиз!» – дей эди.

Билим Ачханы 15:4

Я Раббий! Сенден къоркъмазлыкъ эм Сени атынга махтау салмазлыкъ кимди? Нек десенг таза сыйлы жангыз Сенсе. Битеу миллетле, келип, Сени аллынгда сеждагъа барлыкъдыла; нек десенг Сени сюдлеринг ачыкъ болгъандыла», – дейдиле.

Билим Ачханы 20:14

Андан сора ёлюм да, ахырат да от кёлге атылдыла. От кёл экинчи ёлюмдю.