Лука 12:42 - Сыйлы Инжил бла Забур

⁴² Раббий да: «Аны бийи кесини жумушчуларына тамата этип, алагъа заманында ётмек марданы юлешип берирге салгъан ышангылы эм акъыллы юй жюрютюучю ким эсе да,

Лука 12:42 Iomraidhean Croise

Маттай 13:52

Ол а алагъа: «Ол себепли, Кёклени Патчахлыгъына юйреннген хар алим, кесини хазнасындан жангыны бла эскини чыгъаргъан мюлк иесине ушайды», – деди.

Маттай 20:8

Ингир болгъанда уа, жюзюм бахчаны иеси кесини иш жюрютюучюсюне: „Ишчилени чакъыр да, артдагъыладан башлап биринчилеге дери аланы хакъларын бер“ деди.

Лука 12:43

Аны бийи келип, аны алай эте тургъанлай тапса, ол къул насыплыды.

Лука 7:13

Ол къатынны кёрюп, Раббий анга жазыкъсынып: «Жиляма», – деди.

Лука 7:19

Ахия, кесини сохталарындан экисин чакъырып, Иссагъа: «Ол, Келлик Сенмисе, огъесе биз башханымы сакълайыкъ?» – деп сорургъа ийди.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

I Тимотейге 5:17

Жамауатха иги башчылыкъ этген таматалагъа, бегирек да Аллахны сёзюн жайыу бла эм юйретиу бла уруннганлагъа, энчи хурмет этилсин.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Титге 1:7

Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Чюйютлелеге 13:7

Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.

Чюйютлелеге 3:5

Муса да, билдирилирге керекли сёзлеге шагъатлыкъ этер ючюн, Аллахны битеу юйюнде бир къуллукъчу кибик тюздю.

I Петер 4:10

Хар ким ол алгъан саугъагъыз бла, Аллахны кёп тюрлю шафауатында огъурлу юй жюрютюучюле кибик, бир-биригизге къуллукъ этигиз.