Лука 10:7 - Сыйлы Инжил бла Забур

⁷ Ол юйде уа къалыгъыз, алада болгъан затдан ашагъыз эм ичигиз, нек десегиз уруннган кесини хакъын алыргъа тийишлиди. Бир юйден бир юйге ётмегиз.

Лука 10:7 Iomraidhean Croise

Марк 6:10

Дагъыда алагъа: «Бир жерде не юйге кирсегиз, ол жерден кетгинчи анда къалыгъыз.

Лука 10:6

Анда ырахатлыкъны сюйюучю адам бар эсе, сиз тилеген ырахатлыкъ аны юсюнде къалыр, жокъ эсе уа, кесигизге къайтыр.

Лука 9:4

Эм къайсы юйге кирсегиз да, анда къалыгъыз, жолгъа да андан тебирегиз.

Ишлери 16:15

Ол кеси юйюрю бла бирге сууда кёмюлдюрюлгенден сора бизден: «Сиз мени Раббийге ийнаннганнга санай эсегиз, мени юйюме келип, анда туругъуз», – деп тиледи. Эмда бизни къоймай элтди.

Ишлери 16:34

Сора аланы кесини юйюне келтирип, алагъа аш берди эмда Аллахха ийнаннганына, битеу юйюрю бла бирге къууанды.

Ишлери 16:40

Ала уа, тюрмеден чыкъгъанлай, Лидияны юйюне келдиле эм къарындашланы кёрюп, аланы кёллендиргенден сора жолгъа чыкъдыла.

Галатиялылагъа 6:6

Аллахны Сёзюне юйретилген адам, юйретгеннге хар ахшы затындан да юлешип берсин.

I Тимотейге 5:13

Андан сора да ала, ишлемей тургъанлары себепли, юйлеге кирип айланыргъа юйренедиле эм бош тургъан бла да къалмай, алай а жаншакъ да боладыла, башхаланы ишлерине къатышадыла эм жарамагъан затланы айтадыла.

II Тимотейге 2:6

Жерге уруннган адам жыйылгъан тирликден юлюшюн биринчи болуп алыргъа керекди.