Лука 10:20 - Сыйлы Инжил бла Забур

²⁰ Алай болгъанлыкъгъа жинлени сизге бойсуннганларына къууанмагъыз, алай а сизни атларыгъыз кёкледе жазылгъанына къууаныгъыз», – деди.

Лука 10:20 Iomraidhean Croise

Маттай 10:1

Сора Исса, онеки сохтасын чакъырып, алагъа харам нюрлени къыстаргъа, хар тюрлю аурууну бла хар къарыусузлукъну сау этерге эркинлик бергенди.

Маттай 26:24

Болсада Адам Улу, Аны юсюнден жазылгъаныча барады; алай а Адам Улун сатарыкъ адамгъа палах! Ол адамгъа туумай къалса иги болур эди», – деди.

Маттай 27:5

Иуда кюмюшлени табыныучу юйде атып, чыгъып, барып кесин асды.

Чюйютлелеге 12:23

Кёкледе атлары жазылгъан тюнгючлени къууанч этген жыйылыууна эм жамауатына, барыны да Сюдюсю Аллахха, тамамлыкъгъа жетишген тюзлюклюлени нюрлерине,

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 17:8

Ол сен кёрген жаныуар бар эди эм жокъду, тюпсюз теренликледен чыгъарыкъды эм жоюлуугъа кетерикди. Жер башында жашагъанладан атлары дуния жаратылгъандан бери жашау китабында жазылмагъан адамла жаныуарны алгъын болгъанын энди уа жокълугъун кёргенде хайран боллукъдула. Алай а ол энтда бир кере чыгъарыкъды.

Билим Ачханы 20:12

Эмда мен ёлгенлени, уллуланы эм гитчелени Аллахны аллында тургъанларын кёрдюм. Сора китапла ачылдыла. Аты жашау китабы болгъан башха китап да ачылды. Ёлгенлеге уа китаплада жазылгъанла бла, кеслерини этген ишлерине кёре сюд этиле эди.

Билим Ачханы 20:15

Сора жашау китабында аты жазылмагъан хар адам от кёлге атылды.

Билим Ачханы 21:27

Аны ичине бир тюрлю харам зат эм жийиргенчли ишге бла ётюрюкге кесин берген бир киши да кирлик тюйюлдю; жаланда атлары, Къозуну жашау китабында жазылгъанла кирликдиле.

Билим Ачханы 3:5

Хорлагъан акъ кийимле киерикди; аны атын жашауну китабындан кетерлик тюйюлме эм аны атын Атамы аллында бла Аны мёлеклерини аллында ачыкъ айтырыкъма.