Лука 10:11 - Сыйлы Инжил бла Забур

¹¹ „Сизни шахарыгъыздан бизге жабышхан букъуну да сизге (шагъатлыкъгъа) къагъып тюшюребиз. Алай болгъанлыкъгъа, Аллахны Патчахлыгъы сизге жууукълашханын билигиз“, деп айтыгъыз.

Лука 10:11 Iomraidhean Croise

Маттай 10:14

Сизни къабыл этмеген эм сизни сёзлеригизге тынгыламагъан адамгъа уа, сора, ол юйден неда ол шахардан чыгъа туруп, аякъларыгъыздагъы букъуну къагъып тюшюрюгюз.

Маттай 10:7

Кёклени Патчахлыгъы жууукълашханды деп ууаз берип жюрюгюз.

Маттай 3:2

«Тобагъа къайтышыгъыз, энди Кёклени Патчахлыгъы жууукълашханды», – дей эди.

Марк 6:11

Эмда сизни ким къабыл этмесе эм сизге тынгыламаса, андан чыгъа туруп, алагъа шагъатлыкъгъа, аякъларыгъыздагъы букъуну къагъып тюшюрюгюз. Кертисин айтама сизге: къыямат кюн ол шахардан эсе Содомгъа бла Гоморагъа тынчыракъ болур», – деди.

Лука 10:10

Не шахаргъа келсегиз да, сизни къабыл этмеселе уа, орамгъа чыгъып, алагъа:

Лука 10:9

Анда болгъан ауругъанланы сау этигиз эмда алагъа: „Аллахны Патчахлыгъы сизге жууукълашханды“, деп айтыгъыз.

Лука 9:5

Сизни не жерде къабыл этмеселе уа, ол шахардан чыгъа туруп, алагъа шагъатлыкъгъа аякъларыгъыздан букъуну да къагъып тюшюрюгюз», – деди.

Ишлери 13:26

Къарындашла, Ибрахимни тукъумуну сабийлери эмда сизни арагъызда Аллахдан къоркъгъанла! Бу къутхарыу сёз сизге ийилгенди.

Ишлери 13:40

Алай а сакъ болугъуз, файгъамбарланы бу айтханлары сизни башыгъызгъа тюшмесин:

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Ишлери 13:51

Пауул бла Барнаба уа алагъа шагъатлыкъгъа аякъларындан букъуну къагъып, Икониягъа кетдиле.

Римлилеге 10:21

Израильни юсюнден а: «Мен сау кюнню бу тынгыламаучу, бойсунмаучу халкъгъа къолларымы узатып тургъанма», – деп айтады.

Римлилеге 10:8

Алай а Китап не айтады? «Аллахны сёзю санга жууукъду, сени ауузунгдады эм сени жюрегингдеди». Биз билдирген ийман сёзю ма буду.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.