Колослулагъа 4:3 - Сыйлы Инжил бла Забур

³ Аны кибик, биз Аллахны сёзюн жайып, мен аны ючюн тутмакъ болгъан Масихни тасхасын билдирир ючюн, Аллах бизге эшик ачсын деп, бизни ючюн да тилек этигиз.

Колослулагъа 4:3 Iomraidhean Croise

Маттай 13:11

Ол, алагъа жууапха: «Кёклени Патчахлыгъыны сырлары сизге ачылгъандыла, алагъа уа ачылмагъаны ючюн.

Ишлери 14:27

Ары келгенлей, ала, жамауатны жыйып, Аллах аланы юсю бла неле этгенин эм башха миллетлилеге ийманны эшигин Ол къалай ачханын айтдыла.

I Коринфлилеге 16:9

Нек десегиз мында уллу эмда жараулу ишле этерге манга эшик ачылыпды, манга къажау тургъанла да кёпдюле.

I Коринфлилеге 4:1

Алай бла хар ким да биз Масихни жумушчулары эм Аллахны сырларын жюрютгенле болгъаныбызны ангыларгъа керекди;

II Коринфлилеге 2:12

Масихни юсюнден Хайыр Хапарны жаяргъа мен Троадагъа келгенимде, Раббий манга эшик ачхан эди.

Эфеслилеге 3:1

Ол себепден а мен, Пауул, сиз башха миллетлиле ючюн Масих Иссагъа жесир болгъанма.

Эфеслилеге 3:3

Мен башында къысха жазгъаным кибик, Аллах сырын туура манга ачыкъ этип билдиргенди.

Эфеслилеге 3:4

Сиз, муну окъуп, Масихни сырын ангылагъанымы сезерге боллукъсуз.

Эфеслилеге 3:9

Эм хар нени да Масих Иссаны юсю бла жаратхан Аллахда, ёмюрлюкден жашырылып болгъан сыр къалай къуралгъанын барына да ачыкъларгъа манга шафауат берилгенди.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Колослулагъа 1:26

Озгъан ёмюрледен бла тукъумладан жашырылгъан, энди уа Аны сыйлыларына ачыкъ этилген тасханы – хар жерде да билдириудю.

Колослулагъа 4:18

Мен – Пауул – къолум бла салам жазама. Мени тутмакълыгъымы эсигизде тутугъуз. Аллахны шафауаты сизни барыгъыз бла да болсун. Амин.

I Фесалоникачылагъа 5:25

Къарындашла! Бизни ючюн тилек этигиз.

II Тимотейге 1:16

Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 2:9

Ол Хайыр Хапар ючюн а мен аманлыкъчы кибик тутмакълыкъгъа дери окъуна азап чегеме. Алай а Аллахны сёзюне тутмакълыкъ жокъду.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Филимоннга 1:22

Аны бла бирге манга юй да хазырла, нек десенг сизни тилеклеригиз бла мен сизге берилирме деп умут этеме.