Колослулагъа 3:5 - Сыйлы Инжил бла Забур

⁵ Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

Колослулагъа 3:5 Iomraidhean Croise

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Римлилеге 1:26

Аны себепли Аллах аланы айыплы тыйгъысызлыкъларына бошлап къойгъанды: аланы тиширыулары табийгъатда тийишли болгъанны жюрютюуню орунуна табийгъатда болмагъанны жюрютгендиле.

Римлилеге 1:29

Алай бла ала хар тюрлю терсликден: саякълыкъдан, хыйлачылыкъдан, жутлукъдан, огъурсузлукъдан толгъандыла; зарлыкъдан, мурдарлыкъдан, къаугъадан, алдаудан, аман ниетден толудула.

Римлилеге 6:13

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

Римлилеге 6:6

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

I Коринфлилеге 5:1

Сизде мажюсюледе окъуна эшитилмеген аллай бир саякълыкъ чыкъгъанды, биреу къатыныны орунуна кесини атасыны къатынын жюрютеди деген керти хапар барды.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

I Коринфлилеге 6:13

Аш къарын ючюндю, къарын да аш ючюндю; алай а Аллах аланы экисин да жокъ этерикди, чархларыбыз а саякълыкъ ючюн тюйюл, Раббий ючюндю, Раббий да чарх ючюндю.

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

II Коринфлилеге 12:21

Энтда келген заманымда, мени Аллахым мени, сизни аллыгъызда ыйлыкъдырыр эм алгъын гюнях этип, этген харамлыкъларындан, саякълыкъларындан, адепсизликлеринден тобагъа къайтышмагъан кёп адам ючюн мен жиляу этерме деп къоркъама.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Эфеслилеге 4:19

Ала битеу сезимлиликлерин ташлап, кеслерин адепсизликге бергендиле, алай бла хар тюрлю харамлыкъны къанмай этедиле.

Колослулагъа 2:11

Масихникиле болгъаныгъызда, сизге да къол бла этилмеген сюннет, Масих этген сюннет этилгенди; ол сюннет а чархыгъызны гюняхлы табийгъатын кетериуюгюздю.

I Фесалоникачылагъа 4:3

Нек десегиз Аллах сизни сыйлы болуругъузну эмда сиз саякълыкъдан кесигизни тыярыгъызны сюеди.

I Фесалоникачылагъа 4:5

Аллахны билмеген миллетлеча, чархыгъызны тыйгъычсызлыгъын этмегиз.

I Тимотейге 6:10

Нек десенг битеу аманлыкъланы тамыры ахча сюймекликди, анга бир къауумла кеслерин берип иймандан тайгъандыла эм кеслери-кеслерин кёп къайгъылагъа салгъандыла.

Чюйютлелеге 12:16

Сизни арагъызда бир тюрлю саякъ неда Эсауча Аллахдан узакъ болгъан адам болмасын. Эсау бир ашарыкъ ючюн кесини тюнгюч эркинлигин сатханды.

Чюйютлелеге 13:4

Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

Чюйютлелеге 13:5

Ахча сюйюу къылыгъыгъыз болмасын, болгъан затыгъыз бла ыразы болуп туругъуз. Нек десегиз Ол Кеси: «Сени къоярыкъ тюйюлме эм атарыкъ тюйюлме», – дегенди.

Якъуп 4:1

Арагъызда къаугъала бла тюйюшюуле къайдандыла? Сизни санларыгъызда къазауат этген кюсеуюгюзден тюйюлмюдюле?

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.