Колослулагъа 3:3 - Сыйлы Инжил бла Забур

³ Нек десегиз сиз ёлгенсиз, сизни жашауугъуз да Масих бла бирге Аллахда жашырылыпды.

Колослулагъа 3:3 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Ахия 14:19

Бираздан сора дуния Мени энди кёрлюк тюйюлдю, сиз а Мени кёрлюксюз. Мен жашагъаным ючюн, сиз да жашарыкъсыз.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 5:21

Ата ёлгенлени къалай тиргизе эсе эм сау эте эсе да, Улан да кимни сюйсе да алай сау этеди.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 5:40

Алай а сиз, жашауугъуз болур ючюн, Манга келирге сюймейсиз.

Римлилеге 5:10

Нек десегиз биз, Аллах бла жау болуп тургъанлай, Аны Уланыны ёлюмю бла Аллах бла жарашхан эсек, бегирек да, жарашхандан сора, Аны жашауу бла къутуллукъбуз;

Римлилеге 5:21

Алай бла гюнях ёлюмню юсю бла бийлик этгени кибик, Аллахны шафауаты да, бизни Раббийибиз Масих Иссаны юсю бла ёмюрлюк жашау берир ючюн, тюзлюклюлюк бла бийлик этеди.

Римлилеге 6:11

Сиз да алай, кесигизни гюнях ючюн ёлгеннге, Аллах ючюн а Раббийибиз Масих Иссада жашагъаннга санагъыз.

Римлилеге 6:2

Биз гюняхха ёлгенбиз, сора энтда гюняхда къалай жашайыкъ?

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

I Коринфлилеге 2:14

Табийгъат халы бла адам Аллахны Нюрюнден болгъан затланы къабыл этмейди. Нек десегиз ол быланы акъылсызлыкъгъа санайды, быланы юсюнден нюр бла оюм этилгени себепли, быланы ангыларгъа болалмайды.

II Коринфлилеге 5:14

Нек десегиз бизни жюрютген Масихни сюймеклигиди. Биреулен битеу адамла ючюн ёлгенди, алай эсе, бары да ёлгендиле деп оюм этгенбиз.

II Коринфлилеге 5:7

Нек десегиз биз, кёрюу бла тюйюл, ийман бла жюрюйбюз.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Эфеслилеге 3:9

Эм хар нени да Масих Иссаны юсю бла жаратхан Аллахда, ёмюрлюкден жашырылып болгъан сыр къалай къуралгъанын барына да ачыкъларгъа манга шафауат берилгенди.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Колослулагъа 2:20

Алай бла, сиз Масих бла ёлюп бу дунияны башланнгыч жорукъларындан азат болгъан эсегиз, сора сиз, бу дунияда жашагъанлача:

Колослулагъа 2:3

Масихде уа битеу акъылманлыкъны бла билимни хазнасы жашырылыпды.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

I Петер 3:4

Жууаш эм сабыр халыгъызда, жюрегигиздеги таша адамыгъызны ёмюрде да кетмезлик ариулугъу бла болсун. Ол а Аллахны аллында бек багъалыды.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

Билим Ачханы 2:17

Нюрню жамауатлагъа не айтханын, къулагъы болгъан эшитсин: хорлагъаннга жашырын сакъланнган маннаны ашаргъа эркинлик берликме эм анга жангы ат жазылгъан акъ таш берликме; ол атны уа ташны алгъан адамдан башха бир киши да билмейди“».