Колослулагъа 2:8 - Сыйлы Инжил бла Забур

⁸ Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

Колослулагъа 2:8 Iomraidhean Croise

Маттай 10:17

Адамладан а кесигизни сакълагъыз; нек десегиз ала сизни сюдлеге берликдиле, синагогаларында тюерикдиле.

Маттай 16:6

Исса алагъа: «Къарагъыз, фарисейлени бла садукейлени ачытхычларындан кесигизни сакълагъыз!» – деди.

Маттай 7:15

«Жалгъан файгъамбарладан кесигизни сакълагъыз! Ала сизге къой сыфатда келедиле, ичлери уа жыртхыч бёрюледиле.

Ишлери 17:18

Сора эпикурей эм стоик философладан бир къаууму Пауул бла даулашып башладыла. Аладан бир къаууму: «Бу фана сёзлю не айтыргъа кюрешеди?» – дей эдиле, башхалары уа: «Ол тыш къыраллы тейриледен ууаз бергеннге ушайды», – дей эдиле; нек десегиз ол алагъа Иссаны юсюнден эм тиргизилиуден Хайыр Хапарны билдире эди.

Ишлери 17:32

Ёлгенлени тиргизилиуюню юсюнден эшитгенде, бир къауумлары хыликкя этдиле, башхалары уа: «Аны юсюнден санга башха заманда тынгыларбыз», – дедиле.

Римлилеге 16:17

Къарындашла, сизден тилейме, ол сиз юйреннген окъуугъа къарамагъанлай, сизни арагъызда айырылыула чыгъаргъанладан эм чырмау этгенледен кесигизни сакълагъыз эм аладан бир жанына туругъуз.

I Коринфлилеге 10:12

Ол себепден, аякъ юсюнде турама деп ойлагъан адам, жыгъылмазгъа сакъ болсун!

I Коринфлилеге 8:9

Алай а сакъ болугъуз, сизни бу эркинлигигиз ийманы къарыусузлагъа чырмаулукъ этмесин.

II Коринфлилеге 10:5

Эмда Аллахны билиуге ёхтемлик бла къажау тургъан хар тыйгъычны къоратабыз эм хар тюрлю ойлашыуну Масиххе бойсундуруп жесир этебиз.

Галатиялылагъа 1:14

Мен, аталарымдан къалгъан адетле ючюн мардасыз эришип кюрешиучю болуп, иудейлиликде мени миллетимде тенглерими кёбюсюнден эсе бек жетишимли болгъан эдим.

Галатиялылагъа 4:3

Биз да аны кибик, «сабийликде» болгъан заманыбызда, бу дунияны башланнгыч жорукъларына бойсунуп тургъанбыз.

Галатиялылагъа 4:9

Энди уа, сиз Аллахны билесиз неда тюзюн айтханда, Аллах сизни биледи. Алай эсе дагъыда ол къарыусуз эм файдасыз башланнгыч жорукълагъа не ючюн къайтасыз? Кесигизни энтда жангыдан алагъа къул этергеми сюесиз?

Галатиялылагъа 5:15

Сиз бир-биригизни къаба эм ашай эсегиз а, сора сиз бир-биригизни жокъ этмез ючюн сакъ болугъуз.

Эфеслилеге 2:2

Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

Эфеслилеге 4:20

Сиз а алай тюйюлсюз, сиз Масихни юсюнден билгенсиз.

Эфеслилеге 5:6

Бир киши да сизни бош сёзле бла терилтмесин; нек десегиз бойсунмагъан адамланы юслерине, аллай затла ючюн Аллахны чамланыуу келеди.

Колослулагъа 2:18

Бир киши да кеси аллына сабыр акъыллылыкъ этиую бла эм мёлеклеге табыныуу бла, зауукъланып, кесини кёрген кёрюнюулерине ышанып эмда кесини табийгъат акъылы бла керексиз ёхтемленип, сизни терилтип, аллыкъ саугъагъыздан къуру къалдырмасын.

Колослулагъа 2:20

Алай бла, сиз Масих бла ёлюп бу дунияны башланнгыч жорукъларындан азат болгъан эсегиз, сора сиз, бу дунияда жашагъанлача:

Колослулагъа 2:22

Ол бегимле бары да хайырланыудан чириген затланы юсюндендиле, жаланда адамланы фарызлары эм юйретиулеридиле.

Колослулагъа 2:23

Ишексиз, жалгъан динчиликни, кеси аллына сабыр акъыллылыкъ этиуню эмда чархын къыйнамакълыкъны юсюнден айтсагъ’а, ол бегимле акъылманлыкъча кёрюнедиле. Алай болгъанлыкъгъа адам табийгъатны тыйгъысызлыгъын хорларгъа уа аланы кючлери жокъду.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

I Петер 1:18

Аталарыгъыздан сизге берилген фана жашаудан, сиз, кюмюш неда алтын кибик чиририк затла бла угъай,

II Петер 3:17

Ол себепден, сюйюлюннгенле сиз, быланы алгъындан билип, жорукъну тутмагъанланы ажашыуларыны ызындан бармаз ючюн эмда бегимли болгъаныгъыздан таймаз ючюн сакъ болугъуз.

II Ахия 1:8

Биз, ол урунуп кюрешгенибизни тас этмей, алай а толу саугъа алыр ючюн, кесигизге къарагъыз.