Колослулагъа 2:7 - Сыйлы Инжил бла Забур

⁷ Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

Колослулагъа 2:7 Iomraidhean Croise

Забур 1:3

Ол, кесини заманында кёгетин берген, аны чапырагъы да къурумагъан, баргъан сууну къатында орнатылгъан терекча боллукъду; ол не эте эсе да, жетишимли боллукъду.

Лука 6:48

Ол, къазып, терен этип, мурдорун ташны юсюне салып юй ишлеген адамгъа ушайды. Суу къутургъан заманда, ырхы ол юйге бошланнганда, юй ташны юсюнде орналгъаны себепли, (суу) аны жеринден тепдиралмады.

I Коринфлилеге 1:8

Раббийибиз Масих Исса уа, Кесини кюнюнде сиз айыпсыз болур ючюн, сизни ахырына дери бегимли этерикди.

I Коринфлилеге 15:58

Алай бла, эй сюйюлюннген къарындашларым, къаты, деменгили болугъуз, хар заманда да Раббийни ишинде жетишимли болугъуз; Раббийни жолунда урунууугъуз бошуна болмагъанын билигиз.

II Коринфлилеге 1:21

Бизни сизни бла бирге Масихде бегимли этген эм бизни майлагъан а Аллахды;

Эфеслилеге 3:17

Ийманыгъыз бла Масих жюреклеригизде жашасын деп тилейме.

Эфеслилеге 4:21

Бир ишексиз, сиз Аны юсюнден эшитгенсиз эм Аны жолуна юйреннгенсиз, нек десегиз хакъ керти Иссадады.

Эфеслилеге 5:20

Хар заманда хар зат ючюн да Раббийибиз Масих Иссаны аты бла Аллах Атагъа шукур этигиз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 3:17

Эм сёз бла неда иш бла сиз не эте эсегиз да, барын да Раббий Масих Иссаны аты бла, Аны юсю бла Аллах Атагъа шукур этип тындырыгъыз.

I Фесалоникачылагъа 5:18

Хар болумда да шукур этигиз; нек десегиз сиз Масих Иссада тура эсегиз, сизни юсюгюзден Аллахны буйругъу алайды.

II Фесалоникачылагъа 2:17

Сизни жюреклеригизни жапсарсын эм хар ахшы сёзде эм ахшы ишде бегимли этсин.

Чюйютлелеге 13:15

Ол себепден Иссаны юсю бла Аллахха къурман орунуна тохтаусуз махтау салып, Аны атына барына да эшитдирип шукур этип турайыкъ.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

Яхуда 1:12

Аллайла сизни сюймеклик ушхууурларыгъызгъа бедиш келтиредиле: сизни бла ашапичип, къоркъуусуз кеслерин семиртедиле; ала жел айландыргъан суусуз булутладыла; тамырлары бла чыгъарылгъан, эки кере ёлген, кёгетсиз, кюз артындагъы терекледиле;

Яхуда 1:20

Сиз а, сюйюлюннгенле, эм сыйлы ийманыгъыз бла кесигизни кючлендирип, Сыйлы Нюр бла тилек этигиз.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,