Колослулагъа 1:9 - Сыйлы Инжил бла Забур

⁹ Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

Колослулагъа 1:9 Iomraidhean Croise

Забур 143:10

Патчахлагъа къутхарыу бериучю эмда Кеси къулунг Дауутну къанлы къылычдан къутултуучу Сенсе.

Ахия 7:17

Аны буйругъун этерге сюйген адам бу юйретиуню Аллахдан болгъанын, неда Мен Кесим-Кесимден айтханымы, билликди.

Ишлери 12:5

Алай бла Петерни тюрмеде сакълай эдиле; жамауат а аны ючюн кёл салып Аллахдан тилек эте эди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

I Коринфлилеге 1:5

Масих Иссада сиз хар не бла да, хар тюрлю сёз бла эм хар тюрлю билим бла бай болгъансыз;

Эфеслилеге 1:8

Масихни юсю бла, Аны къаны бла биз жулуннганбыз, гюняхларыбыздан кечилгенбиз.

Эфеслилеге 5:10

Аллах нени ахшы кёргенин сынап билигиз.

Эфеслилеге 5:17

Ол себепден оюмсуз болмагъыз, алай а Аллахны буйругъу не болгъанын ангылагъыз.

Эфеслилеге 6:6

Адамлагъа кёзбау этиучюлеча, жаланда иги жумушчула кибик кёрюнюу бла тюйюл, алай а Масихни къуллары кибик, таза жюрекден Аллахны буйругъун толтуругъуз.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

Колослулагъа 3:16

Масихни сёзю сизде битеу байлыгъы бла жерлешсин. Хар тюрлю акъылманлыкъ бла бир-биригизни юйретип акъыл беригиз. Зикирле, гимнле эмда Сыйлы Нюр учундургъан назмула айта, жюреклеригизде Раббийге шукур этип зикир айтыгъыз.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

Колослулагъа 4:5

Замандан тап хайырланып, ийнанмагъан адамла бла тюбешгенде, акъыллылыкъ кёргюзтюгюз.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 5:17

Тохтаусуз тилек этигиз.

II Фесалоникачылагъа 1:11

Ол себепден сизни ючюн хар заманда да тилек этебиз; Аллахыбыз сизни чакъырылыуугъузгъа тийишли кёрсюн эм ахшылыкъ этерге хар ниетигизни эм иймандан келген ишигизни Кесини къудурети бла тамам этсин деп тилейбиз.

Филимоннга 1:4

Сени Раббий Иссагъа ийман салгъанынгы эм битеу сыйлыланы сюйгенинги эшитип,

Филимоннга 1:6

Сен ийманынгы башхала бла юлешиуде жигер болурунгу эмда Масих Иссада сизни болгъан хар ахшылыкъны билиринги Аллахдан тилейме.

Чюйютлелеге 10:36

Нек десегиз, Аллахны буйругъун толтуруп, Ол берирге айтханны алыр ючюн, сизге тёзюмлюлюк керекди.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.

Якъуп 3:17

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

I Петер 2:15

Нек десегиз биз, ахшылыкъ этип, акъылсыз жахил адамланы ауузларын тыяргъа, Аллахны буйругъу алайды.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

I Ахия 2:17

Бу дуния да, аны талпыгъаны да озуп кетеди, Аллахны буйругъун толтургъан а ёмюрде да жашайды.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.