Колослулагъа 1:5 - Сыйлы Инжил бла Забур

⁵ Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Колослулагъа 1:5 Iomraidhean Croise

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Ишлери 10:36

Аллах Израиль улулагъа Сёзюн ийгенди эм барысыны да Раббийи болгъан Масих Иссаны юсю бла жарашыулукъну Хайыр Хапарын билдиргенди.

Ишлери 13:26

Къарындашла, Ибрахимни тукъумуну сабийлери эмда сизни арагъызда Аллахдан къоркъгъанла! Бу къутхарыу сёз сизге ийилгенди.

Ишлери 23:6

Мындагъыланы бир къаууму садукейледен, бир къаууму уа фарисейледен болгъанын билип, Пауул синедрионда: «Къарындашла! Мен фарисей улу фарисейме. Ёлгенлени тиргизилликлерине ышанып тургъаным ючюн, манга сюд этиледи», – деп къычырып айтды.

Ишлери 24:15

Бу адамла кеслери да къабыл этгенлери кибик, тюзлюклюлени да, тюзлюксюзлени да ёлгенден сора тиргизилликлерине ийнанып, Аллахха ышанама.

Римлилеге 10:8

Алай а Китап не айтады? «Аллахны сёзю санга жууукъду, сени ауузунгдады эм сени жюрегингдеди». Биз билдирген ийман сёзю ма буду.

I Коринфлилеге 13:13

Энди уа бу ючюсю жашап турадыла: ийман, умут, сюймеклик, алай а сюймеклик аланы барындан уллуду.

I Коринфлилеге 15:19

Ол себепден биз Масиххе жаланда бу дуния жашау ючюн ышаннган эсек, сора биз адамланы барындан да насыпсызбыз.

II Коринфлилеге 5:19

Нек десегиз Аллах, адамланы гюняхларын аланы боюнларына салмай, Масихни юсю бла дунияны Кеси бла жарашдыргъанды эм бизге жарашдырыу сёзюн аманат этгенди.

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Галатиялылагъа 2:14

Аланы, Хайыр Хапарны хакълыгъы бла тюз этмегенлерин кёргенимде уа, мен Петерге, бары да тургъанлай: «Сен, иудейли болгъанынглай, иудейлича жашамай, башха миллетлилеча жашай эсенг, сора башха миллетлилени иудейлилеча жашагъыз деп нек къысаса?

Галатиялылагъа 2:5

Хайыр хапарны хакъ тюзлюгю сизде сакъланыр ючюн, биз алагъа бир сагъатха да хорлатмагъанбыз эм бой салмагъанбыз.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 4:21

Бир ишексиз, сиз Аны юсюнден эшитгенсиз эм Аны жолуна юйреннгенсиз, нек десегиз хакъ керти Иссадады.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 3:16

Масихни сёзю сизде битеу байлыгъы бла жерлешсин. Хар тюрлю акъылманлыкъ бла бир-биригизни юйретип акъыл беригиз. Зикирле, гимнле эмда Сыйлы Нюр учундургъан назмула айта, жюреклеригизде Раббийге шукур этип зикир айтыгъыз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

Чюйютлелеге 7:19

Нек десегиз Тауратны Закону бир затны да тамамлыкъгъа жетдирмегенди. Аны орунуна бизге бизни Аллахха жууукълашдыргъан андан да ахшы умут келгенди.

I Петер 2:2

Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

I Петер 3:15

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз.

II Петер 1:12

Аны ючюн сиз бу затланы биле эсегиз да эм сизде болгъан хакъ керти бла бегимли болгъан эсегиз да, мен сизге аланы эсгертиумю бир заманда да къоярыкъ тюйюлме.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.