Колослулагъа 1:4 - Сыйлы Инжил бла Забур

⁴ Нек десегиз сизни Масих Иссагъа ийнаннганыгъызны эм битеу сыйлыланы сюйгенигизни эшитгенбиз.

Колослулагъа 1:4 Iomraidhean Croise

II Коринфлилеге 7:7

Эм жаланда аны келгени бла болуп къалмай, алай а ол, сизни итиниуюгюзню, сизни жилягъаныгъызны, сизни, мени ючюн эришгенигизни хапарын бизге айта, сизни ючюн аны жапсарылыуу бла да жапсарылгъанбыз, алай бла мен дагъыда бек къууаннганма.

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Эфеслилеге 1:15

Ол себепден мен да, сизни Масих Иссагъа ийнаннганыгъызны эм битеу сыйлыланы сюйгенигизни эшитгенимден бери,

Эфеслилеге 6:18

Хар тюрлю дууа этиу бла эм тилек этиу бла хар заманда Сыйлы Нюрню болушлугъу бла тилек этигиз эм ол мурат бла битеу сыйлыла ючюн да толу чыдамлылыкъ бла тилек этип, сагъайып туругъуз.

Колослулагъа 1:9

Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 3:6

Энди уа, Тимотей сизден бизге келип, сизни ийманыгъызны эм сюймеклигигизни юсюнден эмда сиз хар заманда бизни игилик бла эсигизде тутуп, биз сизни кёрюрге бек сюйгенибизча, сиз да бизни кёрюрге сюйгенигизден иги хапар келтиргенди.

II Фесалоникачылагъа 1:3

Къарындашла, биз дайым сизни ючюн Аллахха тийишлисича шукур этерге керекбиз; нек десегиз сизни ийманыгъыз ёседи эм хар биригизде бир-биригизни сюймеклик сизни барыгъызны да арагъызда кёп болады.

Филимоннга 1:5

Хар заманда тилеклеримде сени эсиме келтирип, Аллахыма шукур этеме.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

I Ахия 3:14

Биз, къарындашларыбызны сюйгенибиз ючюн, ёлюмден жашаугъа кёчгенибизни билебиз. Къарындашын сюймеген ёлюмде къалады.

I Ахия 3:23

Аны фарызы уа буду: биз Аны Уланы Масих Иссаны атына ийнаныргъа эм, Ол бизге фарыз этгени кибик, бир-бирибизни сюергеди.

I Ахия 4:16

Биз да Аллахны бизге болгъан сюймеклигин билгенбиз эм ол сюймекликге ийнаннганбыз. Аллах сюймекликди, сюймекликде жашагъан адам Аллахда жашайды, Аллах да ол адамда жашайды.