Колослулагъа 1:10 - Сыйлы Инжил бла Забур

¹⁰ Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 1:10 Iomraidhean Croise

Ахия 15:16

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 15:8

Сиз кёп битим келтирсегиз эм Мени сохталарым болсагъыз, аны бла Мени Атам махтаулу боллукъду.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Римлилеге 1:13

Къарындашла, сизге билдирмей къояргъа сюймейме, башха миллетледе болгъаны кибик, сизде да хайырым болур ючюн, мен сизге келирге кёп кере ниет этгенме, алай а эндиге дери окъуна чырмаулагъа жолугъуп тургъанма.

Римлилеге 4:12

Алай бла атабыз Ибрахим, жаланда сюннетлилени аталары болуп къалмай, алай а анга сюннет этилгинчи ол тутхан ийманны ызындан баргъан сюннетлилени да аталары болгъанды.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

II Коринфлилеге 2:14

Алай а, Аллахха шукур, Ол бизни хар заманда да Масихни хорламлы барыуунда жюрютеди эм Аны билиуню ариу ийисин бизни юсюбюз бла хар жерде да жаяды.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

II Коринфлилеге 5:9

Ол себепден чархыбызда жашап да, андан чыгъа туруп да, Раббийни ыразы этерге эришип кюрешебиз.

II Коринфлилеге 9:8

Сизни хар заманда, хар не жаны бла да хар затыгъыз эркин болуп, сиз хар ахшы ишге чомарт болуп къошулур ючюн, Аллахны сизге хар игиликни кёп этерге кючю барды,

Эфеслилеге 1:17

Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 4:13

Муну ахырында барыбыз да ийманда эм Аллахны Уланын билиуде бирликге, тамам кишиликге, Масихни толулугъуну тамам мардасына жетербиз.

Эфеслилеге 5:10

Аллах нени ахшы кёргенин сынап билигиз.

Эфеслилеге 5:15

Алай бла, къарагъыз, сакъ болуп, акъылсызлача угъай, акъыллылача жашагъыз,

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Колослулагъа 2:19

Аллай адам, чархны Башы – Масихни тутмайды; битеу чарх а жиклерини эм байламлыкъларыны болушлугъу бла ол Башдан кереклисин алып, бир-бирине бегип, Аллах берген ёсюм бла ёседи.

Колослулагъа 2:6

Ол себепден, сиз Раббий Масих Иссаны къалай къабыл этген эсегиз да, Аны жолунда алай жюрюгюз.

Колослулагъа 3:20

Сабийле, ата-аналарыгъызны хар не жаны бла да айтханларын этиучюле болугъуз, нек десегиз мынга Раббий бек ыразыды.

Колослулагъа 4:5

Замандан тап хайырланып, ийнанмагъан адамла бла тюбешгенде, акъыллылыкъ кёргюзтюгюз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

II Тимотейге 2:4

Бир аскерчи да кесин граждан ишле бла байламайды, кесини командирин ыразы этерге къадалып кюрешеди.

Титге 3:1

Башчылагъа эмда властьлагъа боюн салыргъа эм айтханларын этерге, хар ахшы ишни этерге хазыр болургъа,

Титге 3:14

Ийманлыланы жашаулары хайырсыз болмаз ючюн, аланы ахшылыкъ этерге, башхаланы эм керекли затларын тындырыргъа юйрет.

Чюйютлелеге 11:5

Ийманы бла Ханох, ёлюм кёрмей дуниядан кёчюрюлгенди. Аны бир киши да табалмагъанды, нек десегиз Аллах аны кёчюргенди. Кесини кёчюрюлюрюнден алгъа ол, Аллахны ыразы этгенине шагъатлыкъ алгъанды.

Чюйютлелеге 13:16

Ахшылыкъ этиуню эм бир-биригиз бла бирикмекликни унутмагъыз; нек десегиз аллай къурманла Аллахны ыразы этедиле.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

II Петер 1:8

Была сизде бар эселе эм кёп бола эселе, Раббийибиз Масих Иссаны билиуден жетишимсиз эм хайырсыз къаллыкъ тюйюлсюз.

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

I Ахия 3:22

Эм не тилесек да, Андан аллыкъбыз, нек десегиз Аны фарызларын тутабыз эмда Ол ыразы болгъан затланы этебиз.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

III Ахия 1:6

Сени сюймеклигинги юсюнден жамауатны аллында ала шагъатлыкъ этгендиле; Аллахны хатырындан сен аланы кереклисича ашырсанг, иги этериксе.