I Тимотейге 6:4 - Сыйлы Инжил бла Забур

⁴ Бир зат да билмейди, алай а даулашыргъа эм сёзлени юсюнден къаугъа чыгъарыргъа ёч болгъанды. Ол затладан а зарлыкъ, эришлик, аман айтыула, хыйлачы шупхала чыгъадыла,

I Тимотейге 6:4 Iomraidhean Croise

Ишлери 15:2

Сора келишмеулюк болуп, Пауул бла Барнаба ала бла кёп айтып кюрешген заманда, Пауулгъа бла Барнабагъа эм аладан бир къауумуна, бу ишни юсюнден, Иерусалимде абустоллагъа бла таматалагъа барыргъа оноу этдиле.

Ишлери 18:15

Алай а сизни даулашыуугъуз окъууугъузну, адам атларыгъызны эм законугъузну юсюнден болгъаны себепли уа, анга кесигиз къарагъыз. Мен аны юсюнден сизге сюдюлюк этерге сюймейме», – деди.

Ишлери 8:9

Ол шахарда Шимон атлы бир киши бар эди; ол а муну аллында хыйнычылыкъ этип, Самарияны халкъын сейирсиндирип, кесин бир уллулугъу болгъан адамгъа саната эди.

Римлилеге 12:16

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

Римлилеге 13:13

Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

Римлилеге 14:1

Ийманы къарыусуз адамны фикирлени юсюнден даулашмай къабыл этигиз.

Римлилеге 2:8

Эгоистлеге эм хакъ кертиге боюн салмай, ётюрюкге кеслерин бергенлеге уа ачыу эм чамланыу берир.

I Коринфлилеге 11:16

Даулашыргъа сюйген адам бар эсе уа, не бизни, не Аллахны жамауатларыны аллай адети жокъду.

I Коринфлилеге 11:18

Нек десегиз, башындан башлап, сиз жамауатха жыйылгъан заманда, сизни арагъызда келишмей айырылыула боладыла деп эшитеме, анга уа бир жаны бла ийнанама.

I Коринфлилеге 3:18

Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

II Коринфлилеге 11:20

Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

Галатиялылагъа 5:15

Сиз бир-биригизни къаба эм ашай эсегиз а, сора сиз бир-биригизни жокъ этмез ючюн сакъ болугъуз.

Галатиялылагъа 5:26

Уллу кёллюлюк этмейик, бир-бирибизни къанын бузмайыкъ, бир-бирибизге зарланмайыкъ.

Галатиялылагъа 6:3

Нек десегиз сансыз адам болгъанынлай, кесин бир затха санагъан адам, кесикесин алдайды.

Колослулагъа 2:18

Бир киши да кеси аллына сабыр акъыллылыкъ этиую бла эм мёлеклеге табыныуу бла, зауукъланып, кесини кёрген кёрюнюулерине ышанып эмда кесини табийгъат акъылы бла керексиз ёхтемленип, сизни терилтип, аллыкъ саугъагъыздан къуру къалдырмасын.

II Фесалоникачылагъа 2:4

Ол адам а аллах аталгъан, неда адамла табыннган хар затха къажау турлукъду эм барындан да кесин уллугъа санарыкъды, алай бла ол, кесин Аллах сундуруп, Аллах кибик, Аллахны табыныучу юйюнде олтурлукъду.

I Тимотейге 1:4

Бу затла Аллахны ийманнга таяннган низамына къуллукъ этиуден эсе, даулашыуланы кёп чыгъарадыла.

I Тимотейге 1:7

Ала Таурат устазла болургъа сюедиле, алай а не нени юсюнден айтханларын, не нени кертиди деп бегитгенлерин ангыламайдыла.

I Тимотейге 3:6

Жангы ийнаннганладан болургъа да керек тюйюлдю; алай болмаса, ёхтемленип, ибилис бла бирге терсликге тюшер.

II Тимотейге 2:14

Муну ийманлыланы эслерине сал, сёзлени юсюнден даулаш чыгъармазгъа Раббийни аллында аладан къаты тиле. Ол затдан а не аз да файда келмейди, тынгылагъанланы жюреклерин бузады ансы.

II Тимотейге 2:23

Ангылаусуз эм жахил даулашыулагъа къатышма, ала къаугъала туудургъанларын сен билесе.

II Тимотейге 3:4

Сатлыкъла, оюмсузла, кётенлиле, Аллахны сюйгенден эсе да бек, нафысына берилиуню сюйюучюле,

Титге 3:9

Акъылсыз эришиуледен эм генеалогияладан эмда Тауратны Законуну юсюнден даулашыуладан бла къаугъаладан узакъ бол; нек десенг ала файдасыздыла эм бошдула.

Якъуп 1:19

Алай бла, сюйюлюннген къарындашларым, хар адам эшитирге терк, сёз айтыргъа сабыр, ачыуланыргъа да сабыр болсун;

II Петер 2:12

Алай а бу адамла табийгъат жюрютген, тутулургъа бла союлургъа туугъан, оюмсуз хайыуанла кибик, ангыламагъан затларына аман айта, кеслерини бет жоюулары бла къырылырла.

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

Яхуда 1:10

Была уа билмегенлерине аман айтадыла; оюмсуз хайыуанла кибик табийгъатдан билген затлары бла кеси бетлерин жоядыла.

Яхуда 1:16

Ала тарыгъып туруучуладыла, бир затха да онгсунмаучула, кеслерини талпыгъанларын этиучюледиле; аланы ауузлары махтанчакъ сёзле айтадыла; ала кеслерине файда тюшюрюр ючюн кёзбаулукъ этедиле.

Билим Ачханы 3:17

Нек десенг сен: Мен байма, бай болгъанма, бир керекли затым да жокъду, – дейсе; сен а насыпсыз да, жазыкъ да, факъыр да, сокъур да, къымыжа да болгъанынгы уа билмейсе.