I Тимотейге 4:8 - Сыйлы Инжил бла Забур

⁸ Нек десенг чархын юйретиуню файдасы азды, Аллахны жолунда жюрюмеклиг’а Аны берген сёзюне кёре бизге хар не жаны бла да, эндиги жашауда да, ёмюрлюк жашауда да файдалыды.

I Тимотейге 4:8 Iomraidhean Croise

Забур 37:11

Мени жюрегим къалтырайды, мени къарыуум мени атып къойгъанды, мени кёзлерими жарыгъы окъуна жокъду менде.

Забур 37:9

Мен онгсуз болгъанма эм мардасыз бек къайгъыгъа къалгъанма, жюрегими термилиуюнден къычырыкъ этеме.

Забур 84:11

Мархамат бла хакъ керти тюбеширикдиле, тюзлюк бла ырахатлыкъ уппа этиширикдиле.

Маттай 12:32

Адам Улуна къажау сёз ким айтса да, анга кечилликди; Сыйлы Нюрге къажау ким айтса уа, анга не бу ёмюрде, не боллукъ ёмюрде кечиллик тюйюлдю.

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Маттай 6:33

Бек алгъа уа Аллахны Патчахлыгъын эм Аны тюзлюгюн излегиз, бу затла уа бары да сизге къошулуп берилирле.

Марк 10:30

Энди, зулмулукълада тургъан кезиуде да, жюз кере кёп юйле да, къарындашла да, эгечле да, атала да, анала да, сабийле да, жерле да, келлик ёмюрде уа ёмюрлюк жашау алмазлыкъ бир адам да жокъду.

Лука 5:38

Алай а жангы чагъырны жангы гыбытлагъа къуяргъа керекди. Алай болса, экиси да сакъланырыкъдыла.

Римлилеге 8:28

Аллах Аны сюйгенлеге, Аны муратына кёре чакъырылгъанлагъа, хар нени да игиликге болдургъанын билебиз;

I Коринфлилеге 3:22

Пауулму, неда Аполлосму, неда Кефамы, неда дуниямы, неда жашауму, неда ёлюммю, неда бу сагъатдагъымы, неда келлик замандагъымы – бары да сизниди.

I Коринфлилеге 8:8

Аш бизни Аллахха жууукълашдырмайды: ашай эсек да, бизге бир зат да къошулмайды; ашамай эсек да, бир затыбыз да къорамайды.

I Тимотейге 4:7

Жараусуз къатын таурухлагъа заманын гы къоратма, кесинги Аллахны жолунда жюрюрге юйрет.

I Тимотейге 6:3

Башха затлагъа юйретген эмда тюз сёзлени – Раббийибиз Масих Иссаны сёзлерин – эм Аллахны жолун тутууну юсюнден юйретиуюн къабыл этмеген адам ёхтемди,

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

I Тимотейге 6:6

Болгъан затларынг бла ыразы болуп жашап, Аллахны жолунда жюрюмеклиг’а уллу хайыр тапмакълыкъды.

II Тимотейге 3:5

Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

Титге 3:8

Бу сёз ышаннгылыды. Аллахха ийман салгъанла ахшы ишле этерге къадалыучула болур ючюн, сен бу затланы билдирип бегитиринги сюеме. Бу затла игидиле эм адамлагъа хайырлыдыла.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

I Ахия 2:25

Масихни ант сёз бла бизге берирге айтханы уа ёмюрлюк жашауду.

Билим Ачханы 3:12

Хорлагъанны Аллахымы табыныучу юйюнде чигинжи этерикме эмда ол энди андан тышына чыгъарыкъ тюйюлдю; эмда аны юсюне Аллахымы атын эм Аллахымы шахарыны, кёкден Аллахымдан энишге тюшген жангы Иерусалимни атын эм Мени жангы атымы жазарыкъма.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.