I Тимотейге 4:7 - Сыйлы Инжил бла Забур

⁷ Жараусуз къатын таурухлагъа заманын гы къоратма, кесинги Аллахны жолунда жюрюрге юйрет.

I Тимотейге 4:7 Iomraidhean Croise

Ишлери 24:16

Ол себепден кесим да Аллахны эм адамланы аллында дайым жюрегими таза тутаргъа кюрешеме.

I Тимотейге 1:4

Бу затла Аллахны ийманнга таяннган низамына къуллукъ этиуден эсе, даулашыуланы кёп чыгъарадыла.

I Тимотейге 1:9

Закон а тюзлюклюле ючюн тюйюл, алай а законну бузуучула эм боюн салмагъанла ючюн, иймансызла эм гюняхлыла ючюн, Аллахха хурмет этмеучюле эм харам болгъанла ючюн, атасын бла анасын инжитиучюле ючюн, адам ёлтюрюучюле ючюн,

I Тимотейге 2:10

Алай а, Аллахны жолунда жюрюйбюз деп шагъатлыкъ этген тиширыулагъа тийишлисича, кеслерин хайырлы ишле бла ариу этсинле.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

I Тимотейге 4:8

Нек десенг чархын юйретиуню файдасы азды, Аллахны жолунда жюрюмеклиг’а Аны берген сёзюне кёре бизге хар не жаны бла да, эндиги жашауда да, ёмюрлюк жашауда да файдалыды.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

I Тимотейге 6:3

Башха затлагъа юйретген эмда тюз сёзлени – Раббийибиз Масих Иссаны сёзлерин – эм Аллахны жолун тутууну юсюнден юйретиуюн къабыл этмеген адам ёхтемди,

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

II Тимотейге 2:16

Жараусуз бош сёзледен а узакъ бол; нек десенг ала аллахсызлыкъда дагъыда бек жетишимли боллукъдула,

II Тимотейге 2:23

Ангылаусуз эм жахил даулашыулагъа къатышма, ала къаугъала туудургъанларын сен билесе.

II Тимотейге 3:12

Алай а, Аллахны жолунда жюрюп, Масих Иссагъа ийнаныуларына кёре жашаргъа сюйгенле бары да зулмулукъ сынарыкъдыла.

II Тимотейге 3:5

Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

II Тимотейге 4:4

Эм, хакъ кертиге къулакъ салмай, бош таурухлагъа тынгыларыкъдыла.

Титге 1:14

Иудейли таурухлагъа бла хакъ кертини къабыл этмеген адамланы буйрукъларына тынгыламасынла.

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

Титге 3:9

Акъылсыз эришиуледен эм генеалогияладан эмда Тауратны Законуну юсюнден даулашыуладан бла къаугъаладан узакъ бол; нек десенг ала файдасыздыла эм бошдула.

Чюйютлелеге 5:14

Къаты аш а жетгенлеге, ангылау бла эбине тюзелип ахшыны бла аманны айырыргъа юйреннгенлеге тийишлиди.