I Тимотейге 4:16 - Сыйлы Инжил бла Забур

¹⁶ Кесинги да, сен юйретген окъууну да тинтип ойлап къара эмда ол окъуугъа тюз бол. Алай этсенг, кесинги да, санга тынгылагъанланы да къутхарлыкъса.

I Тимотейге 4:16 Iomraidhean Croise

Марк 13:9

Сиз а кесигизге сакъ болугъуз; нек десегиз сизни сюдлеге берликдиле, синагогалада тюерикдиле, Мени ючюн оноучуланы бла патчахланы алларына элтилликсиз. Алай бла аланы алларында шагъатлыкъ этериксиз.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Ишлери 26:22

Алай а, бюгюннге дери да мен Аллахдан болушлукъ алып, гитчеге да, уллугъа да шагъатлыкъ этип турама. Мени айтханларым файгъамбарла да, Муса да, ол боллукъду деп, алгъындан хапар берген затладан башха зат тюйюлдю.

Ишлери 6:4

Биз а кесибизни тохтаусуз тилек этип эм Аллахны сёзюн билдирип туруу къуллукъгъа берейик», – дедиле.

Римлилеге 11:14

Алай бла кеси миллетлилеримде эришиулюк чыгъарып, аладан бир къауумларын къутхарыргъа болурма деп умут этеме.

Римлилеге 16:17

Къарындашла, сизден тилейме, ол сиз юйреннген окъуугъа къарамагъанлай, сизни арагъызда айырылыула чыгъаргъанладан эм чырмау этгенледен кесигизни сакълагъыз эм аладан бир жанына туругъуз.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

I Коринфлилеге 1:21

Нек десегиз Аллахны акъылманлыгъына кёре, бу дуния кесини акъылманлыгъы бла Аллахны танымагъаны себепли, Аллах ийнаннганланы, акъылсызлыкъгъа саналгъан хапар бла къутхарыргъа тап кёргенди.

I Коринфлилеге 9:22

Къарыусузланы табар ючюн, къарыусузлагъа къарыусузча болгъанма. Бир да болмаса да бир къауумларын къутхарыр ючюн, барысына да барысыча болгъанма.

I Коринфлилеге 9:27

Алай а, башхалагъа ууаз берип, кесим а тийишлисиз къалмаз ючюн, чархымы бойсундурама эм къул этеме.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Колослулагъа 4:17

Архипге: сен Раббийни жолунда алгъан къуллугъунгу толтурургъа сакъ бол деп айтыгъыз.

I Фесалоникачылагъа 2:16

Нек десегиз башха миллетлиле къутхарылыр ючюн, алагъа айтыргъа иудейлиле бизге чырмау этедиле. Алай этип, хар заманда кеслерини гюняхларыны мардасын толтурадыла, алай а Аллахны ахыргъы чамланыуу алагъа энди жууукълашханды.

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

I Тимотейге 4:15

Бу затланы юсюнден къайгъыр, къуллукъ этиуюнге толусунлай берил, сора сени жетишиминг барына да ачыкъ болур.

I Тимотейге 4:6

Къарындашлагъа быланы ангылатсанг, ийманны эм сен ызындан баргъан ахшы окъууну сёзлери бла ёсдюрюлюп, Масих Иссаны ахшы жумушчусу боллукъса.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

II Тимотейге 3:14

Сен а юйреннген эмда толу ийнаннган затларынга тюз къал, нек десенг быланы кимден юйреннгенинги билесе.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Титге 1:9

Башхаланы тюз юйретиу бла кёллендирирге эмда къажау тургъанланы тюшюндюрюрге кючю болур ючюн, кеси юйретилгенича, Аллахны ышаннгылы сёзюн къаты тутаргъа керекди.

Титге 2:15

Быланы айт, хар тюрлю кюч бла тюшюндюр эм айыпла, сени бир киши да сансыз этмесин.

Титге 2:7

Хар не жаны бла да кесингде ахшы ишле бла юлгю кёргюзт, устазлыгъынгда таза ниетли, тийишли, бузукъсуз бол.

Филимоннга 1:19

Мен Пауул кеси къолум бла жазгъанма: мен тёлерме. Сен кесинг ючюн манга борчлу болгъанынгы уа айтмайма.

Чюйютлелеге 12:15

Сакъ болугъуз, бир киши да Аллахны шафауатындан къуру къалмасын, бир тюрлю ачы тамыр чыгъып, заран этмесин эм кёплени харам этмесин.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

Якъуп 5:20

Гюняхлыны жалгъан жолундан къайтаргъан адам аны жанын ёлюмден къутхаргъанын эм кёп гюняхларын кечдиргенин билсин.