I Тимотейге 4:10 - Сыйлы Инжил бла Забур

¹⁰ Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

I Тимотейге 4:10 Iomraidhean Croise

Забур 107:2

Аллахым, мени жюрегим хазырды, битеу кёлюм бла зикир айтырыкъма эм махтау зикир этерикме.

Забур 118:8

Сени жорукъларынгы тутуп турлукъма, мени атып къойма. Бейт

Забур 36:6

Эмда сени тюзлюгюнгю жарыкъча, сени ариуланыуунгу да кюнортача чыгъарыр.

Забур 84:12

Хакъ керти жерден чыгъарыкъды, тюзлюк да кёкледен къарарыкъды.

Маттай 16:16

Шимон Петер, жууап эте: «Сен – жашау бериучю Аллахны Уланы Масихсе», – деди.

Маттай 27:43

Аллахха ышана эди; Аллах Анга ыразы эсе, энди Аны къутхарсын! Ол: „Мен Аллахны Уланыма“ деп айтханды», – дей эдиле.

Ахия 1:29

Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 4:42

Ол тиширыугъа уа: «Бизни ийнаныуубуз энди сени сёзлеринге кёре тюйюлдю; нек десенг Аны айтханын кесибиз эшитдик эм Ол хакъ керти, дунияны Къутхарыучусу Масих болгъанын билдик», – дей эдиле.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

I Коринфлилеге 15:10

Алай а Аллахны шафауаты бла не болгъан эсем да, болгъанма. Аны манга берген шафауаты бошуна болмагъанды. Мен аланы барындан да кёп уруннганма, алай а мен угъай, Аллахны менде болгъан шафауаты уруннганды.

II Коринфлилеге 1:10

Аллах бизни аллай къаршы ёлюмден къутхаргъанды эм къутхарады эм бизни ючюн сизни да тилек этиуюгюзню хайыры бла, мындан арысында да къутхарлыкъды деп, Аллахха ышанабыз.

I Тимотейге 2:3

Нек десегиз ол игиди эм бизни Къутхарыучу Аллахыбыз анга ыразыды.

I Тимотейге 2:4

Ол а битеу адамланы къутхарылырларын эм хакъ кертини билиуге жетерлерин сюеди.

I Тимотейге 2:6

Ол, битеу адамланы жууар ючюн, Кеси-Кесин къурманнга бергенди, кезиуюнде этилген шагъатлыкъ буду.

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

I Тимотейге 6:17

Бу ёмюрде байлагъа айтып ангылат, ала кеслерин уллудан кёрмесинле эм ышаннгысыз байлыкъларына ышанмасынла, алай а бизге зауукълукъгъа хар затны да эркин берген жашау бериучю Аллахха ышансынла.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.