I Тимотейге 3:16 - Сыйлы Инжил бла Забур

¹⁶ Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

I Тимотейге 3:16 Iomraidhean Croise

Маттай 1:23

«Ма, къыз бууаз болуп, Улан табарыкъды, Анга Имануел атны атарыкъдыла», – деп айтхан эди. Имануел а: «Аллах бизни блады» деген сёздю.

Маттай 13:11

Ол, алагъа жууапха: «Кёклени Патчахлыгъыны сырлары сизге ачылгъандыла, алагъа уа ачылмагъаны ючюн.

Маттай 28:2

Ол заманда уллу жер тебиу болгъан эди. Раббийни бир мёлеги, кёкледен тюшюп, келип къабырны эшигинден ташны аудуруп, аны юсюне олтуруп тура эди.

Маттай 3:16

Исса кёмюлдюрюлюп суудан чыкъгъанлай, олсагъат Анга кёкле ачылдыла эм Аллахны Нюрю кёгюрчюн кибик энип, Аны юсюне тюшгенин Ахия кёрдю.

Маттай 4:11

Андан сора ибилис Иссаны къойду; сора мёлекле келип, Иссагъа къуллукъ эте эдиле.

Марк 1:13

Исса анда къум тюзде, шайтандан сыналып, къыркъ кюн турду, жаныуарла бла болду. Анда Анга мёлекле къуллукъ эте эдиле.

Марк 16:19

Алай этип, Раббий, ала бла сёлешгенинден сора, кёкге кётюрюлюп, Аллахны онг жанында олтургъанды.

Марк 16:5

Эмда къабыргъа киргенде, акъ кийим кийген жашны, онг жанында олтуруп тургъанын кёрдюле; эм бек къоркъдула.

Лука 2:32

Мен кёзлерим бла кёрдюм», – деди.

Лука 20:44

Алай бла Дауут Анга Бий дейди, сора Ол Дауутну уланы къалай болур?» – деди.

Лука 22:43

Кёкден мёлек, Иссагъа кёрюнюп, Аны кючлендирди.

Лука 24:4

Ала, муну ангыламай сейирсинип тургъан заманда уа, алайына аланы алларында жылтырагъан кийимлери бла эки киши кёрюндюле.

Лука 24:51

Алагъа алгъыш этген заманында, аладан кете-кете, кёкге кётюрюле башлады.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 13:3

Исса, барын да Ата Аны къолуна бергенин эмда Ол Аллахдан чыгъып келгенин эм Аллахха къайтырыгъын билип,

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 16:28

Мен, Атадан чыгъып, дуниягъа келгенме эм дагъыда дунияны къоюп, Атагъа барама», – деди.

Ахия 17:5

Энди уа Ата, дуния бар болурдан алгъа Мен Сени бла болгъан заманымда Менде болгъан махтау бла Мени Кесингде махтаулу эт.

Ахия 20:12

Анда акъ кийимлери бла эки мёлекни, Иссаны ёлюгю салыннган жерни, бири башында, бири уа аягъында олтуруп тургъанларын кёрдю.

Ахия 6:62

Адам Улуну алгъын болгъан жерине кётюрюлгенин кёрсегиз, сора уа не?

Ишлери 1:19

Ол да битеу Иерусалимде жашагъанлагъа белгили болгъанды, алай бла ол сабаннга аланы кеси тиллеринде «Хакалдама» – магъанасы «Къанлы Сабан» деп аталгъанды.

Ишлери 10:34

Петер, сёзюн башлап, былай айтды: «Аллахны адамлагъа бет этип къарамагъанын,

Ишлери 14:27

Ары келгенлей, ала, жамауатны жыйып, Аллах аланы юсю бла неле этгенин эм башха миллетлилеге ийманны эшигин Ол къалай ачханын айтдыла.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Римлилеге 10:12

Мында иудейлилени бла башха миллетлилени арасында башхалыкъ жокъду; нек десегиз Раббий барысында да бирди, Аны чакъыргъанланы барына да Аны байлыгъы кёпдю.

Римлилеге 10:18

Алай а сорама: ала эшитмегенмидиле? Ол угъай эсенг: «Аланы ауазлары битеу жерни юсюнде эшитилгенди эм аланы сёзлери дунияны чегине дери жетгенди».

Римлилеге 3:4

Чыртда угъай! Хар адам ётюрюкчю эсе да, Аллахны тюз сёзлю болгъаны билинсин, Китапда: «Сен сёзлерингде тюзлюклю чыгъарыкъса эм сюдюнгде хорларыкъса», – деп жазылгъаны кибик.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

Римлилеге 9:5

Уллу атала аланы аталарыдыла. Масих да чархына кёре аладанды. Ол а ёмюрледе да алгъышлы, барыны да башында болгъан Аллахды. Амин.

I Коринфлилеге 15:47

Биринчи адам жерден, топуракъдан жаратылгъанды, экинчи Адам а кёкден келген Раббий ди.

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

II Коринфлилеге 1:19

Нек десегиз Аны юсюнден биз – мен, Силуан эмда Тимотей – сизге билдирген, Аллахны Уланы Масих Исса бирде «хау», бирде «угъай» болмагъанды, алай а Анда жангыз «хау» болгъанды.

Галатиялылагъа 2:8

Нек десегиз сюннетлилеге абустол болургъа Петерге кюч берген Аллах, манга да башха миллетлилеге абустол болургъа кюч бергенди.

Галатиялылагъа 4:4

Заманны толулугъу келгенде уа, Аллах, къатындан туугъан эмда Законнга кёре жашагъан Кесини Уланын,

Эфеслилеге 1:9

Аллах Масихде алгъындан салгъан Кесини ыразылыгъы бла, Кесини буйругъуну сырын бизге ачыкъ этгенди.

Эфеслилеге 6:19

Эм мени ючюн да тилек этигиз; мен Хайыр Хапарны сырын таукеллик бла ачыкъ билдирирге манга сёз берилир ючюн,

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

Колослулагъа 2:2

Аланы жюреклери жапсарылып, сюймеклик бла бирлешип, хар не жаны бла да толу ангылаудан бай болуп, ала Аллах Ата ны тасхасын – Масихни ангылар ючюн алай этеме.

II Фесалоникачылагъа 1:10

Быланы бары да Раббий Кесини сыйлы халкъында махтаулу болургъа эмда битеу ийманлыларын сейирсиндирирге келген кюнюнде боллукъду. Сиз а ийманлыласыз; нек десегиз бизни шагъатлыгъыбызгъа ийнаннгансыз.

II Фесалоникачылагъа 2:7

Нек десегиз законсузлукъну жашыртын кючю энди бардырылады, алай а энди аны тыйып тургъан ортадан алыннгынчы тыйып турлукъду.

I Тимотейге 3:9

Ийманны тасхасын таза жюрекде сакълаучула болургъа керекдиле.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 12:2

Ийманыбызны башчысы эм тамамлаучусу болгъан Иссагъа къарайыкъ. Ол, Анга боллукъ къууанч ючюн Кесини ыйлыкъдырылыууна къайгъырмай къоюп, къачны юсюнде ёлюмге тёзгенди, энди уа Аллахны тахтасыны онг жанында олтурады.

Чюйютлелеге 7:7

Сёзсюз, уллу кесинден кичиге алгъыш береди.

Чюйютлелеге 8:1

Аны юсюнден айтханыбызны эм башы уа буду: кёкледе уллу Аллахны тахтасыны онг жанында олтургъан бизни аллай Баш Дин Къуллукъчубуз барды.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.

I Ахия 1:2

Жашау ачыкъ кёрюннгенди, биз аны кёрдюк эмда анга шагъатлыкъ этебиз. Атада болуп бизге кёрюннген ёмюрлюк Жашауну сизге билдиребиз.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

Билим Ачханы 17:5

Аны мангылайында да: «Уллу Бабил, саякъ къатынланы бла жерни жийиргенчликлерини анасы», – деген таша магъаналы ат жазылып эди.

Билим Ачханы 17:7

Сора мёлек манга: «Сен не сейирсинесе? Мен санга бу къатынны эм аны жюрютген жети башлы эм он мюйюзлю жаныуарны тасхасын айтайым.

Билим Ачханы 7:9

Андан сора мен, къарап, хар миллетден эм хар тукъумдан, хар халкъдан эм хар тилден болгъан, аланы уа бир киши да санаргъа болалмагъан бек кёп адамла тахтаны аллында эм Къозуну аллында тургъанларын кёрдюм. Ала акъ кийимле кийип эдиле эмда къолларында хурма терек бутакълары бар эдиле.