I Тимотейге 2:4 - Сыйлы Инжил бла Забур

⁴ Ол а битеу адамланы къутхарылырларын эм хакъ кертини билиуге жетерлерин сюеди.

I Тимотейге 2:4 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Марк 16:15

Сора алагъа былай айтды: «Битеу дуниягъа жюрюп, жаратылгъанланы барысына да Хайыр Хапарны билдиригиз.

Лука 1:77

Аны халкъына гюняхларыны кечилиую бла къутхарыллыкъларын билдирликсе.

Лука 14:23

Бий къулуна: „Чыгъып жоллагъа бла буруу жанларына бар, (тапханларынгы) келирге алландыр, мени юйюм толсун.

Лука 24:47

Эмда, Иерусалимден башлап, битеу миллетлеге тобагъа къайтышыудан бла гюняхланы кечирилиуюнден хапар Аны аты бла билдирилирге керекди.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 17:17

Сени хакъ керти нг бла аланы сыйлы эт; Сени сёзюнг хакъ кертиди.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Римлилеге 11:14

Алай бла кеси миллетлилеримде эришиулюк чыгъарып, аладан бир къауумларын къутхарыргъа болурма деп умут этеме.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

II Тимотейге 3:7

Хар заманда окъугъан эм бир заманда да хакъ кертини билиуге жеталмагъан зайиф тиширыуланы алдагъанла да аладандыла.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Титге 2:11

Нек десенг Аллахны битеу адамланы къутхаргъан шафауаты ачыкъ болгъанды.

Чюйютлелеге 10:26

Ол себепден биз, хакъ кертини билип къабыл этгенден сора, кесибиз сюйгенча этип, гюнях эте эсек, сора энди ол гюняхланы бир къурман да жууарыкъ тюйюлдю.

Якъуп 3:14

Сизни жюрегигизде ачы зарлыкъ эмда эгоистлик бар эсе уа, махтанмагъыз эм хакъ кертиге жалгъан айтмагъыз:

II Петер 3:9

Раббий Кесини берген сёзюн толтурургъа мычымайды, бир къауумла мычыгъаннга санагъанлары кибик; алай а бизге кёп тёзюп турады. Нек десегиз бир адамны да жоюлурун сюймейди, алай а битеу адамланы тобагъа къайтышырларын сюеди.

II Ахия 1:1

Мен акъсакъалдан, мен кертилик бла сюйген, сайланнган бийчеге эмда аны сабийлерине салам болсун! Жангыз мен тюйюл, алай а хакъ кертини билгенле бары да сизни сюедиле.

Билим Ачханы 14:6

Сора мен кёкню арасында учхан башха мёлекни кёрдюм. Ол мёлег’а, жер башында жашагъанлагъа – хар миллетге эм тукъумгъа, хар тилге эм хар халкъгъа – билдирир ючюн, ёмюрлюк Хайыр Хапарны къолунда тутуп тура эди.