I Тимотейге 1:4 - Сыйлы Инжил бла Забур

⁴ Бу затла Аллахны ийманнга таяннган низамына къуллукъ этиуден эсе, даулашыуланы кёп чыгъарадыла.

I Тимотейге 1:4 Iomraidhean Croise

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

Эфеслилеге 3:2

Аллах шафауатын сизге билдирирге мени боюнума салгъанын сиз эшитген болурсуз:

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

I Тимотейге 4:7

Жараусуз къатын таурухлагъа заманын гы къоратма, кесинги Аллахны жолунда жюрюрге юйрет.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

II Тимотейге 2:14

Муну ийманлыланы эслерине сал, сёзлени юсюнден даулаш чыгъармазгъа Раббийни аллында аладан къаты тиле. Ол затдан а не аз да файда келмейди, тынгылагъанланы жюреклерин бузады ансы.

II Тимотейге 2:22

Жаш адамлада болуучу кюсеуледен къачып къутул, алай а Раббийни таза жюрекден чакъыргъанланы барысы бла бирге тюзлюкню, ийманны, сюймекликни, жарашыулукъну тут.

II Тимотейге 2:23

Ангылаусуз эм жахил даулашыулагъа къатышма, ала къаугъала туудургъанларын сен билесе.

II Тимотейге 4:4

Эм, хакъ кертиге къулакъ салмай, бош таурухлагъа тынгыларыкъдыла.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Титге 1:14

Иудейли таурухлагъа бла хакъ кертини къабыл этмеген адамланы буйрукъларына тынгыламасынла.

Титге 3:9

Акъылсыз эришиуледен эм генеалогияладан эмда Тауратны Законуну юсюнден даулашыуладан бла къаугъаладан узакъ бол; нек десенг ала файдасыздыла эм бошдула.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

II Петер 1:16

Нек десегиз биз сизге бизни Раббийибиз Масих Иссаны кючюн эм келлигин, ушатылып айтылгъан ётюрюк таурухланы ызындан барып билдирмегенбиз, алай а Аны уллулугъун кеси кёзюбюз бла кёрюп билдиргенбиз.