I Тимотейге 1:18 - Сыйлы Инжил бла Забур

¹⁸ Жашым Тимотей, сени юсюнгден алгъын айтылгъан файгъамбарлыкъ сёзлеге таянып, сен ахшы аскерчи кибик кюрешир ючюн, ол сёзлеге кёре санга ышанып бу буйрукъну береме.

I Тимотейге 1:18 Iomraidhean Croise

Ишлери 16:1

Пауул андан Дербиге бла Листрагъа дери жетген эди. Анда Тимотей атлы бир сохта бар эди; аны анасы ийманлы иудейлиледен эди, атасы уа грекли эди.

I Коринфлилеге 4:17

Аны ючюн мен сизге, Раббийни жолунда ышаннгылы, сюйюлюннген уланым Тимотейни ийгенме. Ол а мен Масих Иссада тутхан эм хар жерде, хар жамауатда юйретген жолларымы сизге эсгертир.

I Коринфлилеге 9:7

Бир заманда да къайсы аскерчи хакъсыз кесин тутуп къуллукъ этеди? Жюзюм бахча салып, аны кёгетлеринден ашамагъан кимди? Сюрюу кютюп, андан сют ичмеген кимди?

I Тимотейге 1:2

Ийманда керти уланым Тимотейге салам! Атабыз Аллахдан эм Раббийибиз Масих Иссадан санга шафауат, мархамат эм ырахатлыкъ болсун.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 4:14

Жамауатны таматалары сени юсюнге къолларын салып тилек этгенде, файгъамбарлыкъ сёз бла санга берилген эм энтда сенде болгъан нюр пахмуну сансыз этип къойма.

I Тимотейге 4:4

Аллахны хар жаратхан заты ахшыды эм шукур этиу бла къабыл этиле эсе, бир зат да адам унамазлыкъ зат тюйюлдю.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

II Тимотейге 1:2

Сюйюлюннген уланым Тимотейге салам! Аллах Атадан эм Раббийибиз Масих Иссадан санга шафауат, мархамат, ырахатлыкъ болсун.

II Тимотейге 4:7

Мен ахшы кюрешни бардыргъанма, жолуму бошагъанма, ийманымы сакълагъанма.

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

Филимоннга 1:10

Мен аны тутмакълыгъымда туудургъан жашым Онисимни юсюнден сенден тилейме.