I Тимотейге 1:17 - Сыйлы Инжил бла Забур

¹⁷ Ёмюрлени Патчахына, ёлмезлик, кёрюнмеген, терен акъыллы бир Аллахха уа хурмет да, махтау да ёмюрледен ёмюрлеге болсун! Амин.

I Тимотейге 1:17 Iomraidhean Croise

Яхуда 1:25

Бизни Къутхарыучубуз терен акъыллы бир Аллахха, бизни Раббийибиз Масих Иссаны юсю бла махтау да, уллулукъ да, кюч да, власть да, битеу ёмюрледен алгъа да, энди да эм битеу ёмюрледе да болсун! Амин.

Билим Ачханы 19:1

Андан сора мен кёкде кёп халкъны ауазы кибик уллу ауаз эшитдим, ала: «Халелуя! Къутхарыу да, махтау да, хурмет да, кюч да Раббийибизниди;

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Колослулагъа 1:15

Ол а кёрюнмеген Аллахны сыфатыды, Тюнгюч Уланды, хар жаратылгъан затха иеди.

Билим Ачханы 19:16

Аны кийиминде бла базыкъ бутунда: патчахланы Патчахы эм бийлени Бийи деген ат жазылыпды.

Римлилеге 1:23

Эм ёмюрлюк Аллахны махтауун, чиририк адамгъа, къанатлылагъа, тёрт аякълылагъа, сюркелиучюлеге ушагъан суратлагъа тюрлендиргендиле.

Забур 45:6

Аллах аны арасындады, ол теберик тюйюлдю. Аллах анга танг аласындан болушурукъду.

Билим Ачханы 19:6

Сора мен кёп халкъны ауазына, кёп сууланы тауушуна, уллу кёк кюкюреулени ауазына ушаш ауазланы: «Халелуя! Битеу дунияны тутхан Раббий Аллахыбыз патчахлыкъ этеди.

I Ахия 4:12

Аллахны бир киши бир заманда кёрмегенди. Биз бир-бирибизни сюе эсег’а, сора Аллах бизде жашайды, Аны сюймеклиги да бизде толу барды.

Ахия 1:18

Аллахны бир киши бир заманда да кёрмегенди; Атаны къучагъында болгъан жангыз Уланыды Аны танытхан.

Маттай 6:13

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Забур 90:2

Раббийге: «Мени ышыгъым эм мени къалам, мен Анга ышанып тургъан Аллахым!» – дейди.

Билим Ачханы 15:3

Ала, Аллахны къулу Мусаны зикирин эм Къозуну зикирин айтып: «Битеу дунияны тутхан Раббий Аллах! Сени ишлеринг уллудула эм аламатдыла! Миллетлени Патчахы! Сени жолларынг тюзлюклюдюле эм хакъ кертидиле!

Билим Ачханы 7:12

«Амин! Алгъыш да, махтау да, акъылманлыкъ да, шукур да, хурмет да, къудурет да, кюч да ёмюрледен ёмюрлеге да Аллахыбызныды! Амин», – дей эдиле.

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

I Петер 5:11

Махтау да, бийлик да ёмюрледен ёмюрлеге да Аны болсун. Амин.

Чюйютлелеге 11:27

Ийманы бла ол, патчахны чамланыуундан къоркъмай, Мисирни къойгъанды; нек десегиз ол, Кёрюнмегенни кёргенча, чыдамлы болгъанды.

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

Римлилеге 1:20

Нек десегиз Аны кёрюнмегени, Аны ёмюрлюк кючю эм Аллахлыгъы, дуния жаратылгъандан жаратылыннганлагъа тинтип къарау бла кёрюнедиле. Алай бла ала жууапсыздыла.

Маттай 28:20

Битеу Мен сизге буюргъанны тутаргъа аланы юйретигиз; ма, Мен, бу ёмюрню ахырына дери хар кюн да сизни блама», – деди. Амин.

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Забур 57:11

Дерт жетдирилгенин кёрген заманында, тюзлюклю къууанырыкъды, кесини аякъларын аман адамны къанында жууарыкъды.

Забур 45:1

Хорну таматасына: Къорах улуланы зикири; назик тиширыу ауазла бла айтылады. Жыр.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Римлилеге 2:10

Ахшылыкъ этген хар адамгъа уа – бек алгъа иудейлиге, андан сора уа башха миллетлиге – махтау, хурмет эмда ырахатлыкъ болур.

Чюйютлелеге 2:7

Сен аны бир аз заманнга мёлекледен алаша этгенсе; артда уа махтау эм хурмет тажны аны башына салып, Кеси къолларынг жаратханлагъа аны башчы этгенсе.