I Тимотейге 1:16 - Сыйлы Инжил бла Забур

¹⁶ Алай а Масих Исса, Анга ийнанып ёмюрлюк жашау аллыкъ адамлагъа мени юлгю этип, мардасыз тёзюмюн мени юсюмде биринчи кёргюзтюр ючюн, манга мархамат этгенди.

I Тимотейге 1:16 Iomraidhean Croise

Забур 25:11

Мен а айыпсыз жашайма; мени къутхар эмда манга жазыкъсын.

Лука 15:10

Сизге айтама: тобагъа къайтышхан бир гюняхлы ючюн да Аллахны мёлеклеринде аллай къууанч болады», – деди.

Лука 23:43

Исса да анга: «Кертисин айтама санга, бюгюн окъуна Мени бла жаннетде боллукъса», – деди.

Лука 7:47

Ол себепден а санга айтама: аны кёп гюняхлары кечилгени ючюн ол кёп сюеди. Анга аз кечилген адам а аз сюеди», – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ахия 6:54

Мени чархымы ашагъанны эм Мени къанымы ичгенни ёмюрлюк жашауу барды, Мен да аны ахыр кюнде тиргизирикме.

Ишлери 13:39

Мусаны Таурат Закону бла сиз кесигизни ариулап болалмагъан хар затыгъыздан, Иссагъа ийнаннган хар адам Аны юсю бла ариуланады.

Римлилеге 15:4

Битеу алгъындан жазылгъанла уа, бизге акъыл юйретир ючюн, биз Сыйлы Китапладан алгъан тёзюмлюлюк бла эм кёл этиу бла бизни ышаныуубуз болур ючюн жазылгъандыла.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

I Коринфлилеге 7:25

Некяхлы болмагъанланы юсюнден мени Раббийден буйругъум жокъду, алай а Раббийден Анга тюз болургъа мархамат алгъаным кибик, акъыл юйретеме.

II Коринфлилеге 4:1

Аллахны мархаматындан бизни аллай къуллукъ этиуюбюз болгъаны себепли биз мудах болмайбыз.

Эфеслилеге 1:12

Алай бла биз, Масиххе эрттеден ышаннганла, Аллахны аламатлыгъына махтау салыныр ючюн жашайыкъ.

Эфеслилеге 1:6

Кесини ыразы болгъан буйругъу бла, Масих Иссаны юсю бла бизни Кесине улан этерге алгъындан белгилегенди.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

II Фесалоникачылагъа 1:10

Быланы бары да Раббий Кесини сыйлы халкъында махтаулу болургъа эмда битеу ийманлыларын сейирсиндирирге келген кюнюнде боллукъду. Сиз а ийманлыласыз; нек десегиз бизни шагъатлыгъыбызгъа ийнаннгансыз.

I Тимотейге 1:13

Мен алгъын аман айтыучу эм зулмучу эмда жюрек къыйнаучу эдим. Алай а Аллах манга мархамат этгенди; нек десегиз ол затланы, билмегенлей, ийнанмагъан заманымда этгенме.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

I Петер 3:20

Бу нюрле, бир заманда Нухну кюнлеринде кеме ишленнген кезиуде Аллахны тёзюмлюк бла сакълагъанына къарамай, Анга боюн салмагъан эдиле. Ол кемеде бир къауум адам, тюзюн айтсакъ, сегиз адам суу къыямадан къутулгъандыла.

II Петер 3:15

Эмда сюйюлюннген къарындашыбыз Пауул, анга берилген акъылманлыкъ бла сизге жазгъаны кибик, Раббийибизни кёп тёзюую бизге къутхарылыу алыргъа онг береди.

II Петер 3:9

Раббий Кесини берген сёзюн толтурургъа мычымайды, бир къауумла мычыгъаннга санагъанлары кибик; алай а бизге кёп тёзюп турады. Нек десегиз бир адамны да жоюлурун сюймейди, алай а битеу адамланы тобагъа къайтышырларын сюеди.