I Тимотейге 1:15 - Сыйлы Инжил бла Забур

¹⁵ «Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

I Тимотейге 1:15 Iomraidhean Croise

Маттай 1:21

Ол Улан табарыкъды, сен Анга Исса атны атарыкъса, нек десенг Ол Кесини халкъын гюняхларындан къутхарлыкъды», – деди.

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Маттай 18:11

Нек десегиз Адам Улу жоюлгъанланы излеп табаргъа эм къутхарыргъа келгенди».

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 9:13

Барыгъыз: „Къурманланы тюйюл, мархамат этиуню сюеме“ деген сёзню магъанасын юйренигиз. Нек десегиз Мен тюзлюклюлени тюйюл, гюняхлыланы тобагъа къайтышыргъа чакъырыр ючюн келгенме», – деди.

Марк 2:17

Муну эшитип, Исса алагъа: «Дохтур керекли аурумагъанла тюйюлдюле, алай а ауругъанладыла. Мен тюзлюклюлени тюйюл, гюняхлыланы тобагъа къайтышыргъа чакъырыр ючюн келгенме», – деди.

Лука 15:2

Фарисейле бла дин алимле уа, жаратмай: «Ол гюняхлыланы къабыл этеди эм ала бла ашайды», – дей эдиле.

Лука 19:10

Нек десегиз Адам Улу, жоюлгъанланы излеп табып, къутхарыргъа келгенди», – деди.

Лука 5:32

Мен тюзлюклюлени тюйюл, гюняхлыланы тобагъа къайтышыргъа чакъырыр ючюн келгенме», – деди.

Ахия 1:12

Аны къабыл этгенлеге, Аны атына ийман салгъанлагъа уа Аллахны сабийлери болургъа эркинлик бергенди.

Ахия 1:29

Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 12:47

Мени сёзлерими эшитип ийнанмагъан адамгъа Мен сюд этмейме: нек десегиз Мен дуниягъа сюд этерге тюйюл, алай а дунияны къутхарыргъа келгенме.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ишлери 11:1

Абустолла бла Иудеяда болгъан къарындашла, башха миллетлиле да Аллахны сёзюн къабыл этгенлерин эшитген эдиле.

Ишлери 11:18

Муну эшитгенде, ала тохташдыла эмда Аллахха махтау салып: «Алай эсе, Аллах башха миллетлилеге да тобагъа къайтышып ёмюрлюк жашау алыргъа онг берген болур», – дедиле.

Ишлери 3:26

Аллах, сизни хар биригизни да аман ишлеригизден тайдырып сизни алгъышлы этер ючюн, Кесини Уланы Иссаны тиргизип, бек алгъа сизге ийгенди», – деп сёлешди.

Римлилеге 11:14

Алай бла кеси миллетлилеримде эришиулюк чыгъарып, аладан бир къауумларын къутхарыргъа болурма деп умут этеме.

Римлилеге 5:6

Кёремисиз Масих, биз алыкъа къарыусуз болгъан заманда, белгили кезиуде аллахсызла ючюн ёлгенди.

I Коринфлилеге 15:9

Нек десегиз мен абустолланы бек гитчелериме. Аллахны жамауатына зулму этгеним себепли, абустол аталыргъа тийишли да тюйюлме.

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

I Тимотейге 1:13

Мен алгъын аман айтыучу эм зулмучу эмда жюрек къыйнаучу эдим. Алай а Аллах манга мархамат этгенди; нек десегиз ол затланы, билмегенлей, ийнанмагъан заманымда этгенме.

I Тимотейге 1:19

Ийманда къаты тур эмда жюрегинги тазалыкъда сакъла; аны уа бир къауумла, къабыл этмей къойгъанлары ючюн, ийман жанындан кеме батыу палах сынагъандыла.

I Тимотейге 3:1

Жамауатха къуллукъчулукъ этерге итиннген адам ахшы ишни сюеди деген сёз тюздю.

I Тимотейге 4:9

Бу сёз ышаннгылыды эм хар ким да къабыл этерге тийишлиди.

I Тимотейге 6:13

Барына да жашау берген Аллахны аллында эм Понтий Пилатны аллында огъурлу иймандан шагъатлыкъ этген Масих Иссаны аллында санга буюрама.

II Тимотейге 2:11

Бу сёз ышаннгылыды: биз Аны бла ёлген эсек, сора Аны бла жашарыкъбыз.

Титге 3:8

Бу сёз ышаннгылыды. Аллахха ийман салгъанла ахшы ишле этерге къадалыучула болур ючюн, сен бу затланы билдирип бегитиринги сюеме. Бу затла игидиле эм адамлагъа хайырлыдыла.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

I Ахия 5:11

Бу шагъатлыкъ мындан болады: Аллах бизге ёмюрлюк жашау бергенди, бу жашау а Аны Уланындады.

Билим Ачханы 21:5

Сора тахтада Олтургъан: «Ма, хар нени да жангы этеме», – деди. Эмда манга: «Быланы жаз, нек десенг бу сёзле хакъ кертидиле эм тюздюле», – деди.

Билим Ачханы 22:6

Сора мёлек манга: «Бу сёзле тюздюле эм хакъ кертидиле эмда сыйлы файгъамбарланы Раббий Аллахы, къысха заманда боллукъ затланы Кесини къулларына кёргюзтюр ючюн, Кесини мёлегин ийгенди», – деди.

Билим Ачханы 5:9

Эмда жангы зикир айтадыла: «Сен тийишлисе китапны алыргъа эм аны юсюнден мухурларын ачаргъа; нек десенг Сен союлгъанса эм Кесинги къанынг бла хар тукъумдан эм хар тилден, хар халкъдан эм хар миллетден бизни Аллахха жулугъанса