I Петер 5:9 - Сыйлы Инжил бла Забур

⁹ Дуниядагъы къарындашларыгъыз да аллай азапла чекгенлерин билип, къаты ийнаныу бла ибилисге къажау туругъуз.

I Петер 5:9 Iomraidhean Croise

Лука 22:32

Алай болгъанлыкъгъа, Мен сени ийманынг таркъаймасын деп, сени ючюн тилек этгенме, сен да къайтышхан заманынгда къарындашларынгы бегимли эт», – деди.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

I Коринфлилеге 10:13

Сиз хар адам да тюбеучю сыналыуладан башха тюрлю сыналыулагъа тюбемегенсиз. Аллах а ышаннгылыды. Ол сиз чыдаялмазча сыналыу бла сизни сынатмаз, алай а сыналыуда сиз тёзюп къутулурча амал да берир.

Эфеслилеге 4:27

Эмда ибилисге жер бермегиз.

Эфеслилеге 6:16

Барындан да бег’а ийманны къоруулаучу сауутун алыгъыз, аны бла уа ибилисни битеу къызгъан окъларын ёчюлтюрге болаллыкъсыз.

Колослулагъа 2:5

Нек десегиз мен чархым бла сизни биргегизге тюйюл эсем да, нюрюм бла уа сизни блама; сизни тап къуралгъаныгъызны эм сизни Масиххе ийнаныуугъуз къаты болгъанын кёрюп, къууанама.

I Фесалоникачылагъа 3:3

Аны бу азапладан бир киши да тентиремесин деп ийген эдик, нек десегиз бизге къадар алай болгъанын сиз кесигиз билесиз.

I Тимотейге 6:12

Ийман ючюн ахшы кюреш, ёмюрлюк жашауну тут; сен а анга чакъырылгъанса эмда кёп шагъатланы аллында огъурлу ийманны ачыкъ къабыл этгенсе.

II Тимотейге 3:12

Алай а, Аллахны жолунда жюрюп, Масих Иссагъа ийнаныуларына кёре жашаргъа сюйгенле бары да зулмулукъ сынарыкъдыла.

II Тимотейге 4:7

Мен ахшы кюрешни бардыргъанма, жолуму бошагъанма, ийманымы сакълагъанма.

Чюйютлелеге 11:33

Ала ийман бла патчахлыкъланы хорлагъандыла, жашауда тюзлюк этгендиле, ант сёз бла берилгенлени алгъандыла, асланланы ауузларын байлагъандыла,

Чюйютлелеге 12:8

Барына да бирча болгъан азапны сынамай эсегиз, сора сиз законсуз туугъан сабийлесиз, уланлары уа тюйюлсюз.

Якъуп 4:7

Алай бла Аллахха боюн салыгъыз. Ибилисге къажау туругъуз, сора ол сизден къачар.

I Петер 1:6

Аны себепли энди тюрлю сыналыуладан бираз къыйналыргъа керек эсегиз да, къууаныгъыз.

I Петер 2:21

Сиз муну ючюн чакъырылгъансыз; нек десегиз Масих, биз Аны ызындан барыр ючюн, бизни ючюн азап чегип, бизге юлгю къойгъанды.

I Петер 3:14

Тюзлюк ючюн азап чеге эсегиз а, сиз насыплысыз, аланы къоркъутууларындан а къоркъмагъыз эм жунчумагъыз.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 6:11

Сора аланы хар бирине акъ кийимле берилдиле эмда алагъа, энтда бир кесек заманнга, аланы бирге уруннган нёгерлери эм къарындашлары ала кибик ёлтюрюлюп, санны толтургъунчу тынчайыргъа деп айтылды.

Билим Ачханы 7:14

Мен анга: «Жюйюсхан, сен билесе», – дедим. Ол да манга: «Была ол уллу азапдан келгенледиле; ала, Къозуну къаны бла кеслерини кийимлерин жуууп, аны бла кийимлерин акъ этгендиле;