I Петер 5:8 - Сыйлы Инжил бла Забур

⁸ Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

I Петер 5:8 Iomraidhean Croise

Забур 104:21

Кесини юйюне аны ие этип, кесини битеу къыралына да оноучу этип салгъанды.

Забур 109:6

Миллетлеге сюд этерикди, жерни ёлюкледен толтурлукъду, жерни хар жанында да башчыланы ууатырыкъды.

Маттай 13:39

Аланы сепген душман – ибилисди. Оракъла заман – бу ёмюрню ахырыды, оракъчыла уа – мёлекледиле.

Маттай 24:42

Алай бла сагъайып туругъуз, нек десегиз Раббийигиз къайсы сагъатда келлигин билмейсиз.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Маттай 4:1

Андан сора Сыйлы Нюр, ибилисге сынатыр ючюн, Иссаны къум тюзге элтди.

Маттай 4:11

Андан сора ибилис Иссаны къойду; сора мёлекле келип, Иссагъа къуллукъ эте эдиле.

Марк 4:15

Жол жанына себилген, алагъа сёз себилип, алай а алагъа, эшитген заманларында, олсагъат шайтан келип, аланы жюреклерине себилген сёзню урлап кетгенни кёргюзтеди.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Лука 21:36

Алай бла, битеу бу келлик палахладан къутулуп, Адам Улуну аллына барыргъа тийишли болур ючюн хар заманда да сагъайып туруп, тилек этигиз», – деди.

Лука 22:31

Сора Раббий: «Шимон! Шимон! Сакъ бол! Шайтан сизни будайны элегенча элерге тилегенди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

II Коринфлилеге 2:11

Шайтан бизге заран этмез ючюн алай этгенме; нек десегиз аны аман ниетлери бизге белгисиз тюйюлдюле.

Эфеслилеге 4:27

Эмда ибилисге жер бермегиз.

Эфеслилеге 6:11

Ибилисни хыйлаларына сиз къажау турургъа болалыр ючюн, Аллах берген битеу сауутланы юсюгюзге кийигиз.

I Тимотейге 2:15

Алай болгъанлыкъгъа тиширыу оюмлулукъ бла ийманда, сюймекликде эмда сыйлылыкъда турса, Сабийни табыууну юсю бла къутхарыллыкъды.

I Тимотейге 2:9

Аны кибик, тиширыула да, ушагъылы кийинип, уялчакълыкъ бла эм оюмлулукъ бла, не чачларын эшиу бла, не алтын бла, не инжи бла, не багъалы кийим бла тюйюл,

I Тимотейге 3:11

Аны кибик аланы къатынлары да, жамауатда болушлукъчулукъ этген тиширыула да тийишли болургъа керекдиле, тилчи болмагъанла, адеплиле, хар не жаны бла да ышаннгылы болгъанла болургъа керекдиле.

I Тимотейге 3:2

Алай а къуллукъчу айыпсыз болургъа керекди, бир къатынны эри тыйгъылы, оюмлу, адепли, къонакъ сюйюучю, юйретирге болаллыкъ,

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

Титге 1:8

Алай а къонакъ сюйюучю, ахшылыкъны сюйюучю, оюмлу, тюзлюклю, сыйлы, тыйгъылы болургъа,

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

Титге 2:2

Къарт кишиле тыйгъылы, тийишли, оюмлу, ийманда, сюймекликде, тёзюмде тюз акъыллыла болсунла.

Титге 2:4

Жаш къатынлагъа эрлерин сюерге, сабийлерин сюерге,

Титге 2:6

Аны кибик жаш уланлагъа да оюмлу болургъа айтып ангылат.

Якъуп 4:7

Алай бла Аллахха боюн салыгъыз. Ибилисге къажау туругъуз, сора ол сизден къачар.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

I Петер 4:7

Болсада барыны да ахыры къаршыды. Алай бла тюз акъыллы болугъуз эм хар заманда да тилек этерге болалырча сагъайып туругъуз.

Билим Ачханы 12:10

Сора мен кёкде былай айтхан уллу ауаз эшитдим: «Энди бизни Аллахыбызны къутхарыуу да, кючю да, патчахлыгъы да эм аны Масихини оноуу да келди; нек десегиз къарындашларыбыздан тил этиучю, Аллахыбызны аллында аладан кече да, кюн да тил этиучю энишге атылгъанды.

Билим Ачханы 12:12

Алай бла, кёкле эм алада жашагъанла къууанч этигиз! Жерде бла тенгизде жашагъанлагъа уа – палах; нек десегиз ибилис, анга заман аз къалгъанын билип, сизге уллу къутурууу бла тюшгенди!»

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 20:10

Аланы терилтген ибилис а, от бла кукурт кёлге атыллыкъды; жаныуар бла жалгъан файгъамбар да андадыла. Ала кече да, кюн да ёмюрледен ёмюрлеге азап чегерикдиле.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.