I Петер 5:5 - Сыйлы Инжил бла Забур

⁵ Аны кибик кичиле да, таматалагъа бойсунугъуз эм барыгъыз да, бир-биригизге бойсунуп, сабыр акъыллылыкъны юсюгюзге кийигиз. Нек десегиз Аллах ёхтемлеге къажау турады, сабырлагъа уа шафауат береди.

I Петер 5:5 Iomraidhean Croise

Забур 138:6

Сени билиминг манга сейирликди, аны ангыларгъа болалмайма!

Лука 22:26

Сиз а алай болмагъыз. Алай а, сизде уллу ким эсе да, гитчеча болсун, башчылыкъ этген да жумушчуча болсун.

Римлилеге 12:10

Ариу хал бла бир-биригизге къарындаш сюйюучюле болугъуз. Бир-биригизге хурмет этиуде эришигиз.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Эфеслилеге 5:21

Аллахдан къоркъууугъуз бла бир-биригизге бойсунугъуз.

Колослулагъа 3:12

Алай бла, сюйюлюннген сыйлыла, Аллах сайлагъанлача, жумушакъ жюреклиликни, жазыкъсыныулукъну, сабыр акъыллылыкъны, жууашлыкъны, кёп тёзюмлюлюкню юсюгюзге кийигиз.

I Тимотейге 5:1

Тамата кишилеге айып салма, алай а алагъа атангача айтып ангылат. Жаш адамлагъа да къарындашларынгача,

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Якъуп 4:6

Алай а Аллах бизге уллу шафауатны андан кёп береди; ол себепден: «Аллах ёхтемлеге къажауду, сабырлагъа уа шафауат береди», – деп айтылгъанды.

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.

I Петер 4:1

Алай бла, Масих бизни ючюн чархы бла азап чекгенине кёре, сиз да ол акъыл бла азап чегерге хазыр болугъуз; нек десегиз чархы бла азап чекген гюнях этиуню къойгъанды.

I Петер 4:5

Ала саулагъа да, ёлгенлеге да сюд этерге хазыр Болгъаннга жууап берирле.