I Петер 5:14 - Сыйлы Инжил бла Забур

¹⁴ Бир-биригизни сюймеклик бла уппа этип саламлашыгъыз. Сизге, Масих Иссада болгъанланы барыгъызгъа да, ырахатлыкъ болсун. Амин.

I Петер 5:14 Iomraidhean Croise

Маттай 5:47

Сиз жаланда къарындашларыгъыз бла саламлаша эсегиз, махтарча не зат этесиз? Мажюсюле да алай этмеймидиле?

Ахия 14:27

Сизге жюрек ырахатлыкъ къояма, Мени жюрек ырахатлыгъымы сизге береме: дуния бергенча тюйюл, Мен береме сизге. Сизни жюрегигиз жунчумасын эмда къоркъмасын.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ахия 20:19

Ыйыкъны ол биринчи кюнюнде, ингирде, Иссаны сохталары жыйылып тургъан юйню эшиклерини, иудейлиледен къоркъгъанларындан ичинден къылычы салынып тургъан заманда Исса, келип, араларында тохтап, алагъа: «Сизге ырахатлыкъ!» – деди.

Ахия 20:26

Сегиз кюнден сора Иссаны сохталары дагъыда юйде болгъан эдиле, Тома да ала бла эди. Эшикле этилип тургъан заманда, Исса, келип, аланы араларында тохтап: «Сизге ырахатлыкъ!» – деди.

Римлилеге 1:7

Римде жашагъан, Аллах сюйген, сыйлы болургъа чакъырылгъанланы барына: Атабыз Аллахдан эм Раббий Масих Иссадан сизге шафауат эм ырахатлыкъ болсун.

Римлилеге 16:16

Бир-биригизни сыйлы уппа этиу бла саламлашыгъыз. Масихни битеу жамауатлары сизге салам айтадыла.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 16:20

Битеу къарындашла сизге салам бередиле. Бир-биригизни сыйлы уппа этиу бла саламлашыгъыз.

II Коринфлилеге 13:12

Бир-биригизни сыйлы уппа этиу бла саламлашыгъыз. Битеу сыйлыла сизге салам айтадыла.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Эфеслилеге 6:23

Къарындашлагъа Атабыз Аллахдан эм Раббийибиз Масих Иссадан ийман бла ырахатлыкъ эм сюймеклик болсун.

I Фесалоникачылагъа 5:26

Битеу къарындашлагъа сыйлы уппа этиу бла салам айтыгъыз.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

III Ахия 1:14

Сени къысха заманда кёрюп, бетденбетге сёлеширге умут этеме.