I Петер 4:7 - Сыйлы Инжил бла Забур

⁷ Болсада барыны да ахыры къаршыды. Алай бла тюз акъыллы болугъуз эм хар заманда да тилек этерге болалырча сагъайып туругъуз.

I Петер 4:7 Iomraidhean Croise

Маттай 24:42

Алай бла сагъайып туругъуз, нек десегиз Раббийигиз къайсы сагъатда келлигин билмейсиз.

Маттай 25:13

Алай бла сагъайып туругъуз; нек десегиз Адам Улуну келлигини не кюнюн, не сагъатын билмейсиз».

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Лука 21:36

Алай бла, битеу бу келлик палахладан къутулуп, Адам Улуну аллына барыргъа тийишли болур ючюн хар заманда да сагъайып туруп, тилек этигиз», – деди.

Лука 22:46

Алагъа: «Сиз нек жукълайсыз? Сыналыугъа тюшмез ючюн, туругъуз, тилек этигиз!» – деди.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

I Коринфлилеге 15:24

Андан сора Масих, хар тюрлю башчылыкъны, хар тюрлю властьны эм кючню къоратып, патчахлыкъны Аллах Атагъа берген заманында, дунияны ахыры келликди.

I Коринфлилеге 7:29

Къарындашла, мен сизге айтама: энди заман къысхады. Мындан ары къатынлары болгъанла болмагъанлача,

Эфеслилеге 6:18

Хар тюрлю дууа этиу бла эм тилек этиу бла хар заманда Сыйлы Нюрню болушлугъу бла тилек этигиз эм ол мурат бла битеу сыйлыла ючюн да толу чыдамлылыкъ бла тилек этип, сагъайып туругъуз.

Колослулагъа 4:2

Тилек этиуде тохтаусуз болугъуз, сагъайып туругъуз, хар заманда да шукур этигиз.

II Тимотейге 4:5

Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

Чюйютлелеге 10:25

Бир къауумланы адетлерича, кесибизни жыйылыуубузну къоймайыкъ, алай а Иссаны келир кюню жууукълашханын эслеуюбюз бла бир-бирибизни бегирек да кёллендирейик.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

I Петер 3:7

Аны кибик, эрле, сиз да къатынларыгъызгъа тюз акъыл бла тап къарагъыз, сизден къарыусуз жанлагъача, алагъа хурмет этигиз; нек десегиз ала шафауат бла берилген жашауда сизни бла бирге юлюшлюледиле. Сора сизни тилеклеригизге тыйгъыч болмаз.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

Билим Ачханы 16:15

«Ма, гудучуча келеме! Сагъайып тургъан эм къымыжа болуп жюрюмез ючюн эм уятлыгъы кёрюнмез ючюн, кесини кийимин юсюнде сакълагъан насыплыды», – дейди Исса.