I Петер 4:2 - Сыйлы Инжил бла Забур

² Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

I Петер 4:2 Iomraidhean Croise

Забур 143:10

Патчахлагъа къутхарыу бериучю эмда Кеси къулунг Дауутну къанлы къылычдан къутултуучу Сенсе.

Маттай 12:50

Нек десегиз Мени Кёкдеги Атамы буйругъун ким толтурса, олду Манга къарындаш, эгеч, ана», – деди.

Маттай 20:4

Алагъа да: „Келигиз сиз да мени жюзюм бахчама, сизге тийишлисин берирме“ деди. Ала бардыла.

Маттай 21:31

Аланы экисинден аталарыны буйругъун къайсы толтургъанды?» – деди. Анга: «Биринчи», – дедиле. Исса алагъа: «Кертисин айтама сизге, Аллахны Патчахлыгъына жасакъ жыйыучула бла саякъ тиширыула сизден эсе алгъа барадыла.

Маттай 7:21

Манга: „Раббий! Раббий!“ деп айтыучуланы бары кирмезле Кёклени Патчахлыгъына, алай а Мени Кёкдеги Атамы буйругъун толтургъан кирликди.

Марк 3:35

Нек десегиз Аллахны буйругъун ким толтурса, ол Манга къарындашды, эгечди, анады», – деди.

Марк 7:21

Нек десегиз ичинден, адамны жюрегинден чыгъадыла аман ниетле, зийна этиуле, тос туруула, адам ёлтюрюуле,

Ахия 1:13

Ала уа не къандан, не чархны сюйгенинден, не эрни сюйгенинден тюйюл, алай а Аллахдан туугъандыла.

Ахия 7:17

Аны буйругъун этерге сюйген адам бу юйретиуню Аллахдан болгъанын, неда Мен Кесим-Кесимден айтханымы, билликди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 14:7

Бизден бир киши да кеси ючюн жашамайды эм бир киши да кеси ючюн ёлмейди.

Римлилеге 6:11

Сиз да алай, кесигизни гюнях ючюн ёлгеннге, Аллах ючюн а Раббийибиз Масих Иссада жашагъаннга санагъыз.

Римлилеге 6:2

Биз гюняхха ёлгенбиз, сора энтда гюняхда къалай жашайыкъ?

Римлилеге 7:4

Аныча къарындашларым, сиз да башха ныкъыла – ёлгенледен тиргизилген Масих никиле болур ючюн – Масихни чархыны юсю бла ёлюп Закондан эркин болгъансыз. Бу да, биз Аллахха къуллукъ этиуюбюзде жетишимли болур ючюндю.

II Коринфлилеге 5:15

Жашагъанла энди кеслери ючюн жашамай, алай а ала ючюн ёлген эм тиргизилген Масих ючюн жашасынла деп, Масих битеу адамла ючюн ёлгенди.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Эфеслилеге 5:17

Ол себепден оюмсуз болмагъыз, алай а Аллахны буйругъу не болгъанын ангылагъыз.

Эфеслилеге 6:6

Адамлагъа кёзбау этиучюлеча, жаланда иги жумушчула кибик кёрюнюу бла тюйюл, алай а Масихни къуллары кибик, таза жюрекден Аллахны буйругъун толтуругъуз.

Колослулагъа 1:9

Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

Колослулагъа 3:3

Нек десегиз сиз ёлгенсиз, сизни жашауугъуз да Масих бла бирге Аллахда жашырылыпды.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

I Фесалоникачылагъа 5:18

Хар болумда да шукур этигиз; нек десегиз сиз Масих Иссада тура эсегиз, сизни юсюгюзден Аллахны буйругъу алайды.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Петер 1:14

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз,

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

I Ахия 2:17

Бу дуния да, аны талпыгъаны да озуп кетеди, Аллахны буйругъун толтургъан а ёмюрде да жашайды.