I Петер 4:10 - Сыйлы Инжил бла Забур

¹⁰ Хар ким ол алгъан саугъагъыз бла, Аллахны кёп тюрлю шафауатында огъурлу юй жюрютюучюле кибик, бир-биригизге къуллукъ этигиз.

I Петер 4:10 Iomraidhean Croise

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 24:14

Эмда Аллахны Патчахлыгъыны бу Хайыр Хапары битеу дунияда, битеу миллетлеге шагъатлыкъгъа билдирилликди; сора ол заманда ахыры келликди.

Маттай 24:21

Нек десегиз ол заманда, дуния жаратылгъандан эндиге дери да болмагъан эмда болмазлыкъ, аллай палах боллукъду.

Маттай 24:45

Аны бийи, кесини жумушчуларына тамата этип алагъа заманында аш берирге салгъан ышаннгылы эм акъыллы къул ким эсе?

Маттай 25:17

Тюз аны кибик эки талант алгъан да башха эки талант алды.

Маттай 25:44

Ол заманда ала да Анга жууапха: „Раббий! Биз Сени ач болуп, неда суусап болуп, неда жолоучу болуп, неда жаланнгач болуп, неда ауруп, неда тюрмеде болуп къачан кёрюп, Санга къарамай къойгъанбыз?“ деп айтырыкъдыла.

Марк 10:45

Нек десегиз Адам Улу да Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Лука 12:42

Раббий да: «Аны бийи кесини жумушчуларына тамата этип, алагъа заманында ётмек марданы юлешип берирге салгъан ышангылы эм акъыллы юй жюрютюучю ким эсе да,

Лука 19:13

Кесини он къулун чакъырып, алагъа он мина берип: „Мен къайтхынчы, быланы сатыу-алыугъа жюрютюгюз“ дегенди.

Лука 8:3

Иродну юйюн тутхан Кузаны къатыны Иоханна, Сусанна эм кёп башха тиширыула да Иссаны биргесине эдиле. Была кеслерини мюлклери бла Анга къуллукъ эте эдиле.

Римлилеге 15:25

Энди уа мен, сыйлыланы кереклилерине бир кесек жарар ючюн, Иерусалимге барама.

Римлилеге 15:27

Хау, къабыл кёргендиле. Кертиси да алагъа борчлудула. Нек десегиз миллетле аланы нюр жанындан игиликлерине къошулгъан эселе, сора аланы дуния жанындан кереклилерине жараргъа да керекдиле.

I Коринфлилеге 15:10

Алай а Аллахны шафауаты бла не болгъан эсем да, болгъанма. Аны манга берген шафауаты бошуна болмагъанды. Мен аланы барындан да кёп уруннганма, алай а мен угъай, Аллахны менде болгъан шафауаты уруннганды.

I Коринфлилеге 3:10

Мен Аллахдан манга берилген шафауат бла, ангылаулу къурулушчу кибик, мурдор салгъанма, башхасы уа аны юсюнде ишлейди; алай а хар ким да къалай ишлегенине къарасын.

I Коринфлилеге 4:7

Нек десенг сени ким айырып башха кёреди? Сен Аллахдан алмагъан сени не затынг барды? Алгъан эсенг а, нек махтанаса, алмагъан кибик?

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

II Коринфлилеге 9:1

Сыйлылагъа болушлукъ этиуню юсюнден мени сизге жазар керегим жокъду.

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

Титге 1:7

Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.