I Петер 3:9 - Сыйлы Инжил бла Забур

⁹ Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

I Петер 3:9 Iomraidhean Croise

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Маттай 5:39

Мен а сизге айтама: огъурсузгъа къажау турма. Алай а сени онг жаягъынга ким урса да, анга экинчисин да бур.

Маттай 5:44

Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

Марк 10:17

Ол жолгъа чыкъгъан заманда, биреу чабып келип, Аны аллында тобукъланып, Анга: «Ахшы Устаз! Ёмюрлюк жашаудан юлюшлю болур ючюн, мен не этейим?» – деп сорду.

Лука 10:25

Сора ма, бир Таурат алим, туруп, Иссаны сынар ючюн: «Устаз! Ёмюрлюк жашаудан юлюшлю болур ючюн, мен не этейим?» – деди.

Лука 18:18

Сора таматалыкъ этгенледен биреу Анга: «Ахшы Устаз! Ёмюрлюк жашаудан юлюшлю болур ючюн, мен не этейим?» – деп сорду.

Римлилеге 12:14

Сизге зулму этгенлеге алгъыш этигиз; алгъыш этигиз, къаргъыш а этмегиз.

Римлилеге 12:17

Бир кишиге да аманлыкъ ючюн къайтарып аманлыкъ этмегиз, алай а битеу адамлагъа иги кёрюннген затланы этерге кюрешигиз.

Римлилеге 8:28

Аллах Аны сюйгенлеге, Аны муратына кёре чакъырылгъанлагъа, хар нени да игиликге болдургъанын билебиз;

Римлилеге 8:30

Ол кимлени алгъындан белгили этген эсе, аланы чакъыргъанды; кимлени чакъыргъан эсе, аланы ариулагъанды; кимлени ариулагъан эсе, аланы махтаулу этгенди.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Эфеслилеге 4:32

Алай а бир-биригизге халал, жазыкъсыныучу болугъуз; Аллах сизге Масихде кечгинлик бергени кибик, сиз да бир-биригизге кечгинлик беригиз.

I Фесалоникачылагъа 5:15

Сакъ болугъуз, бир киши да аманлыкъгъа аманлыкъ бла жууап этмесин; алай а хар заманда бир-биригизге да эм барына да ахшылыкъны излегиз.

Чюйютлелеге 12:17

Сиз билесиз, андан сора ол атасыны алгъышын алыргъа сюйюп, тилеги къабыл болмай къалгъанды. Аны жилямукълары бла окъуна тилеген эсе да, атасыны фикирин тюрлендиралмагъанды.

Чюйютлелеге 6:14

«Санга мардасыз кёп алгъыш этерикме эм сени тукъумунгу мардасыз кёп этип жаярыкъма», – дегенди.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.