I Петер 3:21 - Сыйлы Инжил бла Забур

²¹ Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

I Петер 3:21 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Марк 16:16

Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Ахия 13:9

Шимон Петер Анга: «Раббий! Жангыз аякъларымы угъай, къолларымы да, башымы да жуу!» – деди.

Ишлери 16:33

Кечени ол заманында аланы элтип, жараларын жууду эм, мычымай, кеси да, битеу юйюрю да сууда кёмюлдюрюлдюле.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 22:16

Энди сен не мычыйса? Тур, сууда кёмюлдюрюл да, Раббий Иссаны атын айтып тилек этип, гюняхларынгдан тазалан“ деп айтды.

Ишлери 8:36

Жолда бара, ала суугъа жетдиле. Евнух: «Ма, суу; кёмюлдюрюлюуюме не чырмау барды?» – деди.

Ишлери 8:37

Филип да анга: «Битеу жюрегингден ийнана эсенг, боллукъду», – деди. Ол да: «Ийнанама, Масих Исса Аллахны Уланыды», – деп жууап этди.

Римлилеге 5:14

Алай болгъанлыкъгъа Адам файгъамбардан башлап Мусагъа дери ёлюм Адамны гюняхына ушаш гюнях этмегенлеге окъуна бийлик этгенди. Адам файгъамбар келлик Кишини юлгюсю эди.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

I Коринфлилеге 4:6

Къарындашла, сиз Китапда жазылгъандан артыкъ ойлашып кюрешмезге бизден юйренигиз эм биригиз-биригизден кесигизни уллугъа кётюрмегиз деп, мен сизни ючюн бу затланы кесиме бла Аполлосха жорукъ этгенме.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Галатиялылагъа 3:27

Сиз барыгъыз да, сууда кёмюлдюрюлюп, Масих бла бирлешгенле, Масиххе кийиннгенсиз.

Эфеслилеге 5:26

Масих Жамауатын суу бла жуууп, Аллахны сёзю бла тазалап сыйлы этер ючюн,

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 6:12

Ийман ючюн ахшы кюреш, ёмюрлюк жашауну тут; сен а анга чакъырылгъанса эмда кёп шагъатланы аллында огъурлу ийманны ачыкъ къабыл этгенсе.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 11:19

Нек десегиз ол, ёлгенледен тиргизирге да Аллахны кючю жетерикди деп, ойлагъанды. Ол себепден, тюзюн айтханда, Исхакъны ёлюмден кери алгъанды.

Чюйютлелеге 13:18

Бизни ючюн да тилек этигиз. Биз жюрегибизни таза тутабыз эм хар не жаны бла да кесибизни тюз жюрютюрге кюрешебиз деп толу ийнанабыз.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

Чюйютлелеге 9:24

Нек десегиз Масих, керти сыйлы жерни юлгюсю болгъан къол бла ишленнген сыйлы жерге тюйюл, алай а энди бизни ючюн Аллахны аллына барыр ючюн, кёкню кесине киргенди.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.