I Петер 3:14 - Сыйлы Инжил бла Забур

¹⁴ Тюзлюк ючюн азап чеге эсегиз а, сиз насыплысыз, аланы къоркъутууларындан а къоркъмагъыз эм жунчумагъыз.

I Петер 3:14 Iomraidhean Croise

Маттай 10:28

Чархны ёлтюрюучюледен, жанны уа ёлтюрюрге болалмагъанладан къоркъмагъыз; бегирег’а жанны да, чархны да жаханимде жояргъа болаллыкъ Аллахдан къоркъугъуз.

Маттай 10:31

Алай бла къоркъмагъыз: сиз кёп гитче къанатлыладан багъалысыз.

Маттай 10:39

Кесини жанын сакълагъан аны жоярыкъды; Мени ючюн кесини жанын жойгъан а аны сакъларыкъды.

Маттай 16:25

Нек десегиз кесини жанын сакъларгъа сюйген адам, аны жояр; Мени ючюн жанын жойгъан адам а, аны табар.

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Марк 10:29

Исса жууапха: «Кертисин айтама сизге: Мени ючюн эм Хайыр Хапар ючюн юйюн, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин къойгъан адам болуп,

Марк 8:35

Нек десегиз кесини жанын сакъларгъа сюйген адам, аны жояр; Мени ючюн эмда Хайыр Хапар ючюн кесини жанын жойгъан адам а, аны сакълар.

Ахия 14:1

«Сизни жюрегигиз жунчумасын; Аллахха ийнаныгъыз, Манга да ийнаныгъыз.

Ахия 14:27

Сизге жюрек ырахатлыкъ къояма, Мени жюрек ырахатлыгъымы сизге береме: дуния бергенча тюйюл, Мен береме сизге. Сизни жюрегигиз жунчумасын эмда къоркъмасын.

Ишлери 9:16

Мен да анга, ол Мени атым ючюн къаллай бир къыйналыргъа керек болгъанын кёргюзтюрюкме», – деди.

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

Якъуп 1:12

Сыналыугъа чыдагъан адам насыплыды; нек десегиз ол, сыналып, Раббий Аны сюйгенлеге берирге айтхан жашауну тажын аллыкъды.

Якъуп 5:11

Ма, ол чыдамлыланы биз насыплыгъа санайбыз. Сиз Аюпну чыдамын эшитгенсиз эм Раббийден аны ахыры къалай болгъанын да кёргенсиз, нек десегиз Раббий бек жумушакъ жюреклиди эм мархаматлыды.

I Петер 3:6

Сара, Ибрахимге алай боюн салып, анга «бийим» дегенди; сиз аны сабийлерисиз, ахшылыкъ этип, бир тюрлю къоркъуудан да жунчумай эсегиз.