I Петер 2:6 - Сыйлы Инжил бла Забур

⁶ Нек десегиз Китапда: «Ма, Мен Сионда сайланнган багъалы мюйюшню баш ташын салама; Анга ийнаннган айыплы боллукъ тюйюлдю», – деп жазылгъанды.

I Петер 2:6 Iomraidhean Croise

Забур 40:14

Израильни Раббий Аллахы, ёмюрден ёмюрге да алгъышлыды! Амин! Амин!

Маттай 12:18

«Ма, Мени сайлап алгъан Къулум, Мени жаным ыразы болгъан Сюйюлюннгеним; Мен Анга Кеси Нюрюмю саллыкъма, Ол миллетлеге тюз хукму билдирликди;

Марк 12:10

Китапда: „Юй ишлеучюле къабыл этмей къойгъан таш, ма ол мюйюшню баш ташы болгъанды.

Лука 20:17

Исса уа, алагъа къарап: «„Юй ишлеучюле къабыл этмей къойгъан таш, ма ол мюйюшню баш ташы болгъанды“ деп жазылгъан сёз не магъананы тутады?

Лука 23:35

Халкъ анда тохтап къарай эди. Ала бла бирге таматала да: «Башхаланы къутхара эди. Аллах сайлагъан Масих Ол эсе, Кеси-Кесин къутхарсын», – деп хыликкя эте эдиле.

Ахия 7:38

Китапда айтылгъаны кибик, Манга ийнаннган адамны ичинден, жашау бериучю суу черекле агъарыкъдыла», – деп сёлешди.

Ишлери 1:16

«Къарындашла! Сыйлы Нюр, Китапда Дауутну ауузу бла, Иссаны тутханлагъа башчылыкъ этген Иуданы юсюнден алгъын айтхан сёз толургъа керек эди.

Римлилеге 10:11

Китапда: «Анга ийнаннган бир адам да айып аллыкъ тюйюлдю» деп айтылады.

Эфеслилеге 1:4

Биз сюймеклик бла Аны аллында сыйлы эм айыпсыз болур ючюн, Ол бизни дуния жаратылырдан да алгъа Масихде сайлагъанды.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

II Тимотейге 3:16

Битеу Сыйлы Китапла Аллахдан илхам алгъандыла эм юйретиуге, айыплаугъа, тюзетиуге, тюзлюклюлюкге тюшюндюрюуге хайырлыдыла.

I Петер 2:4

Анга – адамла сансыз этген, алай а Аллах сайлагъан, багъалы, тири Ташха – жууукълашыгъыз.

I Петер 2:8

Аллахны Сёзюне боюн салмагъанлай, ала анга абынадыла. Ала бу абыныугъа буюрулгъандыла.

II Петер 1:20

Китаплада бир файгъамбар сёзю да кеси аллына ангылатылмагъанын хар затдан да алгъа билигиз.

II Петер 3:16

Бу затланы юсюнден Пауул битеу жазып ийгенлеринде да айтады. Аны жазгъанларында къыйын ангылашыннган жерле бардыла; жахил эм бегимсиз адамла, Сыйлы Китаплада башха жазылгъанланы этгенлери кибик, быланы да терсине буруп кеслери-кеслерине жоюлуу хазырлайдыла.