I Петер 2:21 - Сыйлы Инжил бла Забур

²¹ Сиз муну ючюн чакъырылгъансыз; нек десегиз Масих, биз Аны ызындан барыр ючюн, бизни ючюн азап чегип, бизге юлгю къойгъанды.

I Петер 2:21 Iomraidhean Croise

Забур 85:13

Нек десенг Сени манга мархаматынг уллуду, Сен мени жанымы ахыратны теренликлеринден къутхаргъанса.

Маттай 10:38

Кесини къачын алып, мени ызымдан келмеген адам да Манга тийишли тюйюлдю.

Маттай 11:29

Мени жюгюмю кётюрюгюз эм Менден юйренигиз; нек десегиз Мен сабыр эм жууаш жюреклиме, сора жанларыгъызгъа тынчлыкъ табарсыз.

Маттай 16:24

Андан сора Исса сохталарына: «Мени ызымдан келирге сюйген адам, кесин унутсун да, кесини къачын алып, Мени ызымдан келсин.

Лука 24:26

Масих алай азап чегип, Кесини махтаууна алай жетерге керек тюйюлмю эди?» – деди.

Ахия 13:15

Нек десегиз Мен сизге этгенни сиз да этер ючюн, Мен сизге юлгю бергенме.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

Ишлери 17:3

Китапланы ачып ангылата, Масихни азап чегерге эм ёлгенледен тиргизилирге керек болгъанын кёргюзте: «Масих а – мен сизге билдирген Иссады», – деди.

Ишлери 9:16

Мен да анга, ол Мени атым ючюн къаллай бир къыйналыргъа керек болгъанын кёргюзтюрюкме», – деди.

Римлилеге 8:29

Нек десегиз Кесини Уланы кёп къарындашланы арасында биринчи туугъан болур ючюн, Аллах кимлени алгъындан билген эсе, аланы Кесини Уланыны сыфатына ушатыргъа алгъындан белгили этгенди.

I Коринфлилеге 11:1

Мен Масихден юлгю алыучу болгъаным кибик, сиз да менден юлгю алыучу болугъуз.

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

I Фесалоникачылагъа 3:3

Аны бу азапладан бир киши да тентиремесин деп ийген эдик, нек десегиз бизге къадар алай болгъанын сиз кесигиз билесиз.

I Фесалоникачылагъа 4:2

Нек десегиз биз сизге Раббий Иссадан къаллай фарызла бергенибизни сиз билесиз.

II Тимотейге 3:12

Алай а, Аллахны жолунда жюрюп, Масих Иссагъа ийнаныуларына кёре жашаргъа сюйгенле бары да зулмулукъ сынарыкъдыла.

Чюйютлелеге 2:10

Нек десегиз хар неда Аны ючюн болгъан эм хар неда Аны юсю бла болгъан Аллах, кёп уланланы махтаулу халгъа жетдирип, аланы къутхарылыуларыны Башчысын азап чегиую бла тамамлы этерге керек эди.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

I Петер 2:24

Биз, гюняхларыбыздан къутулуп, тюзлюк амалтын жашар ючюн, Ол Кеси бизни гюняхларыбызны Кесини чархы бла къачха кётюргенди. Сиз Аны жаралары бла сау этилгенсиз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

I Петер 4:1

Алай бла, Масих бизни ючюн чархы бла азап чекгенине кёре, сиз да ол акъыл бла азап чегерге хазыр болугъуз; нек десегиз чархы бла азап чекген гюнях этиуню къойгъанды.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

I Ахия 2:6

„Жашауум Аллахдады“ деген адам Исса жюрюген жолда жюрюрге керекди.

I Ахия 3:16

Биз сюймекликни не болгъанын Масих бизни ючюн Кесини жанын бергенинден ангылайбыз. Биз да къарындашларыбыз ючюн жаныбызны аямазгъа керекбиз.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.