I Петер 2:2 - Сыйлы Инжил бла Забур

² Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

I Петер 2:2 Iomraidhean Croise

Маттай 18:3

«Кертисин айтама сизге, къайтышмасагъыз эмда сабийлеча болмасагъыз, Кёклени Патчахлыгъына кирлик тюйюлсюз.

Маттай 19:14

Исса уа: «Къоюгъуз сабийлени, алагъа Манга келирге чырмау этмегиз! Нек десегиз Кёклени Патчахлыгъы аллайланыды», – деди.

Марк 10:15

Кертисин айтама сизге: Аллахны Патчахлыгъын сабийча къабыл этмеген адам анга кирлик тюйюлдю», – деди.

Лука 18:17

Кертисин айтама сизге, Аллахны Патчахлыгъын сабийча къабыл этмеген адам анга кирлик тюйюлдю», – деди.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

I Коринфлилеге 14:20

Къарындашла! Акъылдан сабийле болмагъыз: аманлыкъ жанындан гитче сабийле болугъуз, акъыл жанындан а акъыл-балыкъ болгъанла болугъуз.

Эфеслилеге 2:21

Аны юсюнде уа битеу мекям, ариу тап къаланып ёсюп, Раббийде сыйлы юй болады.

Эфеслилеге 4:15

Алай а биз сюймеклик бла хакъ кертини тутуп, хар не жаны бла да ёсюп Масиххе жетейик. Ол а чархны башыды.

II Фесалоникачылагъа 1:3

Къарындашла, биз дайым сизни ючюн Аллахха тийишлисича шукур этерге керекбиз; нек десегиз сизни ийманыгъыз ёседи эм хар биригизде бир-биригизни сюймеклик сизни барыгъызны да арагъызда кёп болады.

I Петер 1:23

Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.