I Петер 2:17 - Сыйлы Инжил бла Забур

¹⁷ Барына да хурмет этигиз, къарындашлыкъны сюйюгюз, Аллахдан къоркъугъуз, патчахха хурмет этигиз.

I Петер 2:17 Iomraidhean Croise

Забур 111:10

Аман адам муну кёрюп ачыу этерикди, тишлерин къыжылдатырыкъды эмда эрип кетерикди. Аман адамланы талпыгъанлары жоюллукъду.

Маттай 22:21

Ала Анга: «Кесарьныдыла», – дедиле. Сора Исса алагъа: «Алай эсе, кесарьныкъын кесарьгъа, Аллахныкъын а Аллахха беригиз», – деди.

Ахия 13:35

Сизни кеси арагъызда сюймеклигигиз болса, сиз Мени сохталарым болгъаныгъызны барысы да андан билликдиле», – деди.

Римлилеге 12:10

Ариу хал бла бир-биригизге къарындаш сюйюучюле болугъуз. Бир-биригизге хурмет этиуде эришигиз.

Римлилеге 13:7

Алай бла хар кимге тийишлисин беригиз: жасакъ тийишлиге – жасакъ; хакъ тийишлиге – хакъ; къоркъуу тийишлиге – къоркъуу; хурмет тийишлиге – хурмет.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Эфеслилеге 5:21

Аллахдан къоркъууугъуз бла бир-биригизге бойсунугъуз.

I Тимотейге 6:1

Аллахны атына эм окъуууна аман айтылмаз ючюн, къулла кеслерини бийлерин хар не жаны бла да хурмет тийишлиге санасынла.

Чюйютлелеге 13:1

Сизни арагъызда къарындаш сюйюу дайым болсун.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 2:13

Алай бла Раббий ючюн адамланы хар тюрлю властьларына боюн салыгъыз, патчахха, баш оноучугъача;

I Петер 5:5

Аны кибик кичиле да, таматалагъа бойсунугъуз эм барыгъыз да, бир-биригизге бойсунуп, сабыр акъыллылыкъны юсюгюзге кийигиз. Нек десегиз Аллах ёхтемлеге къажау турады, сабырлагъа уа шафауат береди.