I Петер 2:15 - Сыйлы Инжил бла Забур

¹⁵ Нек десегиз биз, ахшылыкъ этип, акъылсыз жахил адамланы ауузларын тыяргъа, Аллахны буйругъу алайды.

I Петер 2:15 Iomraidhean Croise

Забур 5:5

Нек десенг Сен аманлыкъны сюймеучю Аллахса, огъурсуз адам Сенде орналырыкъ тюйюлдю.

Маттай 25:2

Аладан бешиси акъыллы, бешиси уа оюмсуз эдиле.

Маттай 7:26

Мени бу сёзлериме тынгылап, аланы толтурмагъан хар адам а, кесини юйюн юзмезни юсюнде ишлеген оюумсуз адамгъа ушарыкъды.

Римлилеге 1:21

Алай а ала, Аллахны биле тургъанлай, Анга, Аллахха тийишлисича махтау салмагъанлары эм шукур этмегенлери себепли, кеслерин магъанасыз ойлашыулагъа бергендиле эм аланы ангылаусуз жюреклерин къарангылыкъ басханды.

Галатиялылагъа 3:1

Эй ангылаусуз Галатиялыла! Масих Исса сизни кёзлеригизни аллында къачха керилген халда суратланнганлай да, сиз хакъ кертиге боюн салмазгъа сизге ким хыйны этгенди?

I Фесалоникачылагъа 4:3

Нек десегиз Аллах сизни сыйлы болуругъузну эмда сиз саякълыкъдан кесигизни тыярыгъызны сюеди.

I Фесалоникачылагъа 5:18

Хар болумда да шукур этигиз; нек десегиз сиз Масих Иссада тура эсегиз, сизни юсюгюзден Аллахны буйругъу алайды.

I Тимотейге 1:13

Мен алгъын аман айтыучу эм зулмучу эмда жюрек къыйнаучу эдим. Алай а Аллах манга мархамат этгенди; нек десегиз ол затланы, билмегенлей, ийнанмагъан заманымда этгенме.

Титге 2:8

Бизге къажау тургъанла бизни терслерге зат тапмай уялырча айыпсыз, тюз акъыллы сёлеше бил.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

I Петер 3:17

Аллах алай буюргъан эсе, аман ишле ючюн азап чекгенден эсе, ахшы ишле ючюн азап чекген игиди.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

II Петер 2:12

Алай а бу адамла табийгъат жюрютген, тутулургъа бла союлургъа туугъан, оюмсуз хайыуанла кибик, ангыламагъан затларына аман айта, кеслерини бет жоюулары бла къырылырла.

Яхуда 1:10

Была уа билмегенлерине аман айтадыла; оюмсуз хайыуанла кибик табийгъатдан билген затлары бла кеси бетлерин жоядыла.