I Петер 2:12 - Сыйлы Инжил бла Забур

¹² Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 2:12 Iomraidhean Croise

Забур 37:14

Мен а сангырауча эм кесини ауузун ачмагъан тилсизча эшитмейме.

Маттай 10:25

Сохтагъа, устазыча болса, къулгъа да бийича болса, тамамды. Юйню иесине беелзебул атагъан эселе, аны юйюндегилеге уа не айтмазла!»

Маттай 5:11

Мени ючюн сизни сёкселе эм сизге зулму этселе эм хар тюрлю тюзлюксюз аман айтсала, сиз насыплысыз.

Маттай 5:16

Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Маттай 9:8

Халкъ а, аны кёрюп, сейирсинип, адамлагъа аллай эркинликни берген Аллахха махтау салдыла.

Лука 1:68

«Израильни Раббий Аллахы алгъышлыды! Ол Кесини халкъына болушургъа келип, аны къутхаргъанды.

Лука 19:44

Сени чачарыкъдыла, сени сабийлеринги да сени ичингде ёлтюрлюкдюле, сенде таш юсюнде таш да къоярыкъ тюйюлдюле. Нек десенг Аллахны санга болушургъа келген заманын билмединг!» – деди.

Лука 6:22

Адам Улу ючюн сизни адамла кёрюп болмагъан заманда, сизни (жамауатдан) къыстагъан, сёкген эм сизни атыгъызны аманнга чыгъаргъан заманда сиз насыплысыз.

Ахия 13:31

Иуда чыкъгъан заманда, Исса: «Энди Адам Улу махтаулу болду, Аллах да Анда махтаулу болду.

Ишлери 15:14

Шимон, Аллах башха миллетлиледен Кесини атына махтау келтирлик бир халкъ болдурур ючюн алагъа бек алгъа къалай эс бёлгенин ангылатханды.

Ишлери 24:13

Ала манга энди салгъан терсликлени менде табып кёргюзталлыкъ тюйюлдюле.

Ишлери 25:7

Ол келгенлей, Иерусалимден келген иудейлиле аны тёгерегине туруп, кеслери кёргюзталмагъан уллу кёп терсликлени анга сала эдиле.

Ишлери 28:22

Алай а биз сени фикирлеринги сенден эшитирге сюебиз; нек десенг бу масхапны юсюнден хар жерде да даулашханлары бизге белгилиди», – дедиле.

Римлилеге 12:17

Бир кишиге да аманлыкъ ючюн къайтарып аманлыкъ этмегиз, алай а битеу адамлагъа иги кёрюннген затланы этерге кюрешигиз.

Римлилеге 13:13

Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

Римлилеге 14:18

Муну бла Масиххе ким къуллукъ эте эсе да, ол Аллахны ыразы этеди эм адамла къабыл кёрюрге тийишлиди.

Римлилеге 15:9

Эм башха миллетле да Аллахны мархаматы ючюн Анга махтау салсынла деп, алай этгенди. Китапда жазылгъаны кибик: «Аны ючюн Санга миллетлени арасында шукур этерикме эм Сени атынга зикир айтырыкъма».

I Коринфлилеге 14:25

Алай бла, аны жюрек тасхалары ачыкъ болурла; сора ол энишге аууп, Аллахха сежда этер эм: «Аллах кертиси да сизни арагъыздады!» – деп айтыр.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 13:7

Сиз бир тюрлю аман иш этмез ючюн, биз Аллахдан тилек этебиз. Бизни сыналыугъа чыдагъаныбызны кёргюзтюр ючюн тюйюл, алай а биз сыналыулагъа чыдаялмагъанча кёрюнсек да, сизни ахшылыкъ этеригизни тилейбиз.

II Коринфлилеге 8:21

Нек десегиз биз ахшылыкъ этерге жаланда Раббийни аллында кюрешип къалмай, алай а адамланы алларында да кюрешебиз.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

I Фесалоникачылагъа 4:12

Сиз, ийнанмагъан адамланы аллында иги адеплилик этип, бир затдан да керекли болмазча алай жашагъыз.

I Тимотейге 2:2

Битеу адамла ючюн, патчахла ючюн эм битеу къыралланы оноучулары ючюн, тилекле, дууала, ёкюллюкле, шукурла этилсинле деп тилейме.

I Тимотейге 4:12

Сени жашлыгъынгы бир киши да сансыз этмесин; алай а сёз айтыуда, жашауда, сюймекликде, нюрде, ийманда, тазалыкъда ийманлылагъа юлгю бол.

I Тимотейге 5:10

Сабийлерин ёсдюрген эсе, къонакъбайлыкъ этген эсе, сыйлыланы аякъларын жуугъан эсе, къыйынлыкъда жашагъанлагъа болушхан эсе эм хар тюрлю ахшы ишни къадалып этген эсе, аны аты башсыз къатынланы дефтерине жазылсын.

Чюйютлелеге 13:18

Бизни ючюн да тилек этигиз. Биз жюрегибизни таза тутабыз эм хар не жаны бла да кесибизни тюз жюрютюрге кюрешебиз деп толу ийнанабыз.

Чюйютлелеге 13:5

Ахча сюйюу къылыгъыгъыз болмасын, болгъан затыгъыз бла ыразы болуп туругъуз. Нек десегиз Ол Кеси: «Сени къоярыкъ тюйюлме эм атарыкъ тюйюлме», – дегенди.

Якъуп 3:13

Сизде акъылман эм ангылаулу адам ким эсе, аны ёз ишлери бла, ариу халы бла эм сабыр акъылы бла кёргюзтсюн.

I Петер 2:15

Нек десегиз биз, ахшылыкъ этип, акъылсыз жахил адамланы ауузларын тыяргъа, Аллахны буйругъу алайды.

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,