I Петер 2:11 - Сыйлы Инжил бла Забур

¹¹ Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

I Петер 2:11 Iomraidhean Croise

Забур 39:12

Раббий, ырахматынгы менден аяма; Сени мархаматынг бла хакъ кертинг мени хар заманда да сакъласынла.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Ишлери 15:20

Алагъа уа, идоллагъа берилип харам болгъан ашладан, саякълыкъдан, мурдар ёлген хайуан этден эмда къандан ала кеслерин сакъласынла эмда кеслерине этилирин сюймеген затланы башхалагъа этмесинле деп жазып иерге керекди.

Ишлери 15:29

Идоллагъа берилип харам болгъан ашладан, къандан, мурдар ёлген хайыуан этден эмда саякълыкъдан кесигизни сакъларгъа эмда кесигизге этилирин сюймеген затланы башхалагъа этмезге керексиз. Бу жорукъланы тутсагъыз, иги этериксиз. Сау болугъуз», – деп жазып ийдиле.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

II Коринфлилеге 5:20

Ол себепден биз Масихни аты бла келечилебиз, Аллах Кеси буйругъун бизни юсюбюз бла айтып ангылатхан кибик ангылатады. Масихни аты бла тилейбиз: Аллах бла жарашыгъыз.

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Эфеслилеге 2:19

Алай бла сиз энди тыш адамла эм киргинчиле тюйюлсюз, алай а сыйлыла бла бир халкъсыз эм Аллахны юйюрюсюз.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

II Тимотейге 2:22

Жаш адамлада болуучу кюсеуледен къачып къутул, алай а Раббийни таза жюрекден чакъыргъанланы барысы бла бирге тюзлюкню, ийманны, сюймекликни, жарашыулукъну тут.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

Чюйютлелеге 6:9

Алай а сюйюлюннгенле, былай айта эсек да, сиз андан игирек халда болгъаныгъызгъа эм къутхарылыуну тутханыгъызгъа толу ийнанабыз.

Якъуп 4:1

Арагъызда къаугъала бла тюйюшюуле къайдандыла? Сизни санларыгъызда къазауат этген кюсеуюгюзден тюйюлмюдюле?

I Петер 1:1

Масих Иссаны абустолу болгъан мен Петерден Понтда, Галатияда, Кападокияда, Асияда эм Битинияда жайылгъан киргинчилеге салам болсун!

I Петер 1:17

Хар кимни ишлерине кёре бет этип къарамай хукму этген Аллахха «Атабыз» дей эсегиз, сора хаух дунияда айланнган кезиуюгюзню Аллахдан къоркъуу бла ашырыгъыз.

I Петер 4:12

Сюйюлюннгенле! Сизни сынаргъа ийилген зулмуну отуна сизге къужур иш болгъанча сейирсинмегиз.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

II Петер 3:1

Сюйюлюннгенле, бу энди сизге экинчи кере жазып ийгенимди, ала бла бу ишлени эсигизге тюшюрюп сизни таза акъылыгъызны сагъайтама.