I Петер 1:3 - Сыйлы Инжил бла Забур

³ Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Петер 1:3 Iomraidhean Croise

Забур 86:5

Сионну юсюнден а: «Аны ичинде аллай эм аллай адам туугъанды эмда Сионну Уллу Аллах Кеси кючлендирликди», – деп айтырыкъдыла.

Ахия 1:13

Ала уа не къандан, не чархны сюйгенинден, не эрни сюйгенинден тюйюл, алай а Аллахдан туугъандыла.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 5:10

Нек десегиз биз, Аллах бла жау болуп тургъанлай, Аны Уланыны ёлюмю бла Аллах бла жарашхан эсек, бегирек да, жарашхандан сора, Аны жашауу бла къутуллукъбуз;

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

Римлилеге 8:24

Нек десегиз биз бу ышаныуубуз бла къутхарылгъанбыз. Ышаннган затыбыз кёрюне эсе уа, ол ышаныу тюйюлдю, нек десегиз адам ышаннганын кёре эсе, сора аны энтда ышаныргъа не кереги барды?

I Коринфлилеге 13:13

Энди уа бу ючюсю жашап турадыла: ийман, умут, сюймеклик, алай а сюймеклик аланы барындан уллуду.

I Коринфлилеге 15:20

Алай а Масих, ёлгенледен биринчи болуп, ёлюмден тиргизилгенди.

II Коринфлилеге 1:3

Бизни Раббийибиз Масих Иссаны Атасы Аллахха, мархаматлы Атагъа эм хар не жаны бла да жюрек жапсарыучу Аллахха шукур болсун.

Галатиялылагъа 6:16

Бу жорукъ бла жюрюгенлеге да, Аллахны Израилине да ырахатлыкъ эм ахшылыкъ келсин!

Эфеслилеге 1:17

Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 1:3

Масихни юсю бла бизге кёкледе хар тюрлю нюр ахшылыкъны берген бизни Раббийибиз Масих Иссаны Атасы Аллахха махтау болсун!

Эфеслилеге 1:7

Ол хар тюрлю акъылманлыкъ бла эм ангылаулукъ бла бизни артыгъы бла саугъалагъан шафауатыны байлыгъыны хайырындан,

Эфеслилеге 2:4

Алай болгъанлыкъгъа мархаматы бай Аллах, бизни алай уллу сюйгени ючюн,

Эфеслилеге 3:20

Бизде жюрюген кючю бла, бизни тилегенибизден да неда ойлашыуубуздан да бек аламат кёп эталлыкъ Аллахха,

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 4:13

Къарындашла, ышаныулары болмагъан башха адамлача, сиз бушуу этмез ючюн ёлгенлени юсюнден сизге билдирмей къояргъа сюймейме.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

I Тимотейге 1:14

Алай а ийман бла эм Масих Иссада болгъан сюймеклик бла бирге Раббийибизни шафауаты манга толу берилгенди.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Чюйютлелеге 3:6

Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 1:23

Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.

I Петер 2:2

Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

I Петер 3:15

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

I Петер 3:5

Алгъын заманда Аллахха ышаннган сыйлы тиширыула да, эрлерине боюн салыу бла кеслерин алай ариу этгендиле.

I Ахия 2:29

Сиз Аны тюзлюклю болгъанын биле эсегиз, тюзлюк этген хар ким Андан туугъанын да билигиз.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.

I Ахия 3:9

Аллахдан туугъан адам гюнях этмейди, нек десегиз Аны урлугъу ол адамда болуп турады; Аллахдан туугъаны себепли ол гюнях этерге болаллыкъ тюйюлдю.

I Ахия 4:7

Сюйюлюннгенле! Бир-бирибизни сюейик; нек десегиз сюймеклик Аллахданды, сюймеклиги болгъан хар адам Аллахдан туугъанды эм Аллахны таныйды.

I Ахия 5:1

Иссаны Масих болгъанына ийнаннган хар адам Аллахдан туугъанды. Туудургъанны сюйген хар адам Андан туугъанны да сюеди.

I Ахия 5:18

Аллахдан туугъан адам гюнях этмегенин биз билебиз; алай а Аллахдан туугъан Масих аны сакълайды, ибилис анга тиймейди.

I Ахия 5:4

Нек десегиз Аллахдан туугъан хар адам бу дунияны хорлайды. Бу дунияны хорлагъан бу хорлауубуз а бизни ийманыбызды.