I Петер 1:23 - Сыйлы Инжил бла Забур

²³ Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.

I Петер 1:23 Iomraidhean Croise

Маттай 24:35

Кёк бла жер жокъ болсала да, Мени сёзлерим а къаллыкъдыла».

Лука 8:11

Бу таурух а ма бу магъананы тутады: урлукъ Аллахны сёзюдю.

Ахия 1:13

Ала уа не къандан, не чархны сюйгенинден, не эрни сюйгенинден тюйюл, алай а Аллахдан туугъандыла.

Ахия 1:3

Хар зат да Аны юсю бла жаратылгъанды, бар болгъан затладан Олсуз бир зат да болмагъанды.

Ахия 3:3

Исса анга жууапха: «Кертисин, кертисин айтама санга: огъартындан туумагъан адам, Аллахны Патчахлыгъын кёраллыкъ тюйюлдю», – деди.

Ахия 3:5

Исса анга: «Кертисин, кертисин айтама санга: суудан бла Сыйлы Нюрден туумагъан адам Аллахны Патчахлыгъына кираллыкъ тюйюлдю.

Ахия 6:63

Жашау берген нюрдю; чарх бир файда этмейди. Мен сизге айтхан сёзле нюр эм жашаудула;

Римлилеге 1:23

Эм ёмюрлюк Аллахны махтауун, чиририк адамгъа, къанатлылагъа, тёрт аякълылагъа, сюркелиучюлеге ушагъан суратлагъа тюрлендиргендиле.

Чюйютлелеге 4:12

Нек десегиз Аллахны сёзю жашайды эм кючлюдю эм хар тюрлю эки ауузлу къылычдан да жютюдю; ол жанны бла нюрню, жиклени бла жиликлени айырыугъа дери ётеди эм жюрекни ойлашыуларына бла ниетлерине сюд этеди.

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Петер 1:25

Раббийни сёзю уа ёмюрде да турады». Ол сёз а бу сизге билдирилген Хайыр Хапарды.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Ахия 3:9

Аллахдан туугъан адам гюнях этмейди, нек десегиз Аны урлугъу ол адамда болуп турады; Аллахдан туугъаны себепли ол гюнях этерге болаллыкъ тюйюлдю.

I Ахия 5:18

Аллахдан туугъан адам гюнях этмегенин биз билебиз; алай а Аллахдан туугъан Масих аны сакълайды, ибилис анга тиймейди.