I Петер 1:22 - Сыйлы Инжил бла Забур

²² Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 1:22 Iomraidhean Croise

Ахия 15:17

Муну сизге фарыз этеме: бир-биригизни сюйюгюз».

Ахия 15:3

Сиз энди Мен сизге билдирген сёз бла тазаланнгансыз.

Ахия 17:17

Сени хакъ керти нг бла аланы сыйлы эт; Сени сёзюнг хакъ кертиди.

Ахия 17:19

Ала да хакъ керти бла сыйлы болсунла деп, ала ючюн Мен Кесими сыйлы къурман этип береме.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

Ишлери 6:7

Аллахны сёзю жайылып, Иерусалимде сохталаны саны да бек кёп болгъан эди; дин къуллукъчуладан да бек кёбюсю ийманнга бойсуннган эдиле.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 2:8

Эгоистлеге эм хакъ кертиге боюн салмай, ётюрюкге кеслерин бергенлеге уа ачыу эм чамланыу берир.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

II Коринфлилеге 6:6

Тазалыкъда, билимде, чыдамлылыкъда, ахшылыкъ этиуде, Сыйлы Нюрде, кёзбаусуз сюймекликде,

Галатиялылагъа 3:1

Эй ангылаусуз Галатиялыла! Масих Исса сизни кёзлеригизни аллында къачха керилген халда суратланнганлай да, сиз хакъ кертиге боюн салмазгъа сизге ким хыйны этгенди?

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Галатиялылагъа 5:7

Сиз тап бара эдигиз. Сизни хакъ кертиге бойсуннганыгъызны ким тохтатды?

Эфеслилеге 4:3

Бир-биригиз бла жарашыулукъну тутуп, Сыйлы Нюрде бирликни сакъларгъа кюрешигиз.

I Фесалоникачылагъа 3:12

Сизни уа Раббий бир-биригизни да, битеу адамланы да сюймеклигигизни, биз сизни сюйген марда бла кёбейтип артыкъ этсин.

II Фесалоникачылагъа 1:3

Къарындашла, биз дайым сизни ючюн Аллахха тийишлисича шукур этерге керекбиз; нек десегиз сизни ийманыгъыз ёседи эм хар биригизде бир-биригизни сюймеклик сизни барыгъызны да арагъызда кёп болады.

II Фесалоникачылагъа 2:13

Биз а хар заманда сизни ючюн Аллахха шукур этерге керекбиз, Раббий сюйген къарындашла; нек десегиз Аллах сизни, Нюр бла сыйлы болууугъузну эм хакъ кертиге ийнаныуугъузну юсю бла, къутхарыргъа алгъындан сайлагъанды

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 4:12

Сени жашлыгъынгы бир киши да сансыз этмесин; алай а сёз айтыуда, жашауда, сюймекликде, нюрде, ийманда, тазалыкъда ийманлылагъа юлгю бол.

I Тимотейге 5:2

Тамата къатынлагъа, анангача, жаш къызлагъа да хар тюрлю тазалыкъ бла эгечлерингеча айтып ангылат.

II Тимотейге 1:14

Санга ышанып берилген огъурлу окъууну бизде жашагъан Сыйлы Нюрню болушлугъу бла сакъла!

Чюйютлелеге 11:8

Ийманы бла Ибрахим, кесине юлюшге аллыкъ жерине барыргъа чакъырылгъанында, Аллахха бойсуннганды эм, къайры барлыгъын да билмегенлей, жолгъа чыкъгъанды.

Чюйютлелеге 13:1

Сизни арагъызда къарындаш сюйюу дайым болсун.

Чюйютлелеге 5:9

Эм, тамам болуп, Анга бойсуннганланы барына да ёмюрлюк къутхарылыуларын Тындырыучу болгъанды.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

Якъуп 4:8

Аллахха жууукълашыгъыз, Аллах да сизге жууукълашыр. Гюняхлыла, къолларыгъызны тазалагъыз, экили болуучула, жюреклеригизни тюзетигиз.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

I Петер 2:17

Барына да хурмет этигиз, къарындашлыкъны сюйюгюз, Аллахдан къоркъугъуз, патчахха хурмет этигиз.

I Петер 3:1

Аны кибик, къатынла, сиз да эрлеригизге боюн салыгъыз; аланы бир-бирлери Аллахны сёзюне тынгыламай эселе да,

I Петер 3:20

Бу нюрле, бир заманда Нухну кюнлеринде кеме ишленнген кезиуде Аллахны тёзюмлюк бла сакълагъанына къарамай, Анга боюн салмагъан эдиле. Ол кемеде бир къауум адам, тюзюн айтсакъ, сегиз адам суу къыямадан къутулгъандыла.

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.

I Петер 4:17

Нек десегиз сюд этилир заман жетгенди, сюд этилиу а Аллахны юйюрюнден башланырыкъды; сора алгъа бизден башланырыкъ эсе, Аллахны Хайыр Хапарына боюн салмагъанланы ахырлары уа къалай боллукъду?

I Петер 4:8

Хар неден да бег’а бир-биригизге жюрекден сюймеклигигиз болсун; нек десегиз сюймеклик кёп гюняхланы жабады.

II Петер 1:7

Тюзлюкде къарындаш сюйюуню, къарындаш сюйюуде сюймекликни кёргюзтюгюз.

I Ахия 3:11

Нек десегиз сиз алгъындан эшитген хапар ма буду: бир-бирибизни сюейик.

I Ахия 3:23

Аны фарызы уа буду: биз Аны Уланы Масих Иссаны атына ийнаныргъа эм, Ол бизге фарыз этгени кибик, бир-бирибизни сюергеди.

I Ахия 4:12

Аллахны бир киши бир заманда кёрмегенди. Биз бир-бирибизни сюе эсег’а, сора Аллах бизде жашайды, Аны сюймеклиги да бизде толу барды.

I Ахия 4:20

«Мен Аллахны сюеме», – деп кесини къарындашын а кёрюп болмагъан адам ётюрюкчюдю. Нек десегиз кесини кёре тургъан къарындашын сюймеген ол кеси кёрмеген Аллахны уа къалай сюяллыкъды?

I Ахия 4:7

Сюйюлюннгенле! Бир-бирибизни сюейик; нек десегиз сюймеклик Аллахданды, сюймеклиги болгъан хар адам Аллахдан туугъанды эм Аллахны таныйды.

Билим Ачханы 2:4

Алай а санга къажау айтыр затым барды: сен кесинги биринчи сюймеклигинги къойгъанса.